曜 (已結業)

銅鑼灣武士主題日本菜 — 曜呢間日本餐廳「曜」裝潢用上日本武士作為主題，餐廳設計都融入武士裝飾，餐廳用餐位置闊落，餐廳安排咗我哋坐卡位，座位好闊落，都足夠坐至少六個人！今次lunch就試吓佢哋嘅午市御膳，價錢$188起，包括有前菜、茶碗蒸、主菜、鯝魚湯。花膠雞湯果凍幾特別嘅前菜，店員係話呢道前菜係將炆煮過嘅花膠放入雞湯，再雪凍成果凍。花膠果凍彈牙入口即溶，味道微酸開胃，賣相好精緻！蟹黃茶碗蒸茶碗蒸質感好嫩滑，好多蟹黃同蟹肉舖面頭，底下仲有栗子蓉，增加咗口感！A4和牛丼($188)和牛油脂分佈適中，壽喜燒醬汁燒至岩岩好，醬汁味道甜甜的，配上黃金炒飯底，中間舖上炒香嘅洋蔥，吸收哂和牛油香味，中和一下油膩感，真係不錯！壽司定食十件($328)由廚師發辦有中拖羅、真鯛、赤身、深海池魚、赤海蝦、帆立貝、蝶魚、鯖魚、銀鱈魚等，每款都好新鮮🤩真鯛好爽口，而赤海蝦好大隻夠彈牙！鯛魚湯最後店員會送上一碗鯛魚湯，魚湯用上兩款魚，湯底係奶白色，魚湯只加咗少許鹽作調味，飲落好鮮味！😍地址：曜 銅鑼灣登龍街28號永光中心16樓。