波士冰室

營業中

休息中

今日天氣突然轉涼，好幸運喺香港總有一間冰室喺左近。今晚試吓銅鑼灣嘅波士冰室，食個暖笠笠嘅晚餐。我好意外見到我嘅最愛蛋包飯，所以好容易就決定咗叫西冷牛扒漩渦蛋包飯。不禁欣賞呢個名改得份外繪形繪色。西冷牛扒嘅牛筋牛肉分布平均，加有少許黑椒，更帶出香濃味道。香滑炒蛋漩渦般蓋住白飯面，造型味道同樣吸引。再配甜甜的日式照燒汁，仲有西蘭花同櫻桃番茄伴碟，色香味俱全。注重養生嘅我又遇着寒冷天氣，好自然俾冰室嘅自家製生磨蛋白杏仁茶吸引咗，熱騰騰的，一邊飲一邊食到粒粒蛋白，蛋白質豐富又暖身。