甘饕 (已結業)

銅鑼灣想食到靚燒鵝，又多了一個好去處。話說以前家母很喜歡吃中環的老字號燒鵝，次次食親都會有皮蛋酸薑。今時今日對於常駐在銅鑼灣的我來講，甘饕的位置實在好方便，今日一個人食個便飯，嗌了燒鵝叉燒瀨、飲個例湯加個油菜，再嗌半隻皮蛋酸薑懷舊一番。首先開始食左皮蛋先- 果然皮蛋配搭酸薑還是那種風味，十分正的開胃小食。我個人特別欣賞個例湯（今日是淮山雞腳）湯料極多，都幾足料。最後食埋個雙拼瀨，燒鵝不錯，而肥燶叉燒更有驚喜。宜家銅鑼灣食燒味又多了一個好選擇，不錯不錯。最後睇到菜單仲有好多小菜可以嗌，小店有咁多選擇，下次可以試試。