燒肉ONE

營業中

休息中

今日中午－個人經過銅鑼灣呢間日式燒肉店非常吸引，好有日本氣息馬上想試一試。午餐都有好多選擇，淨係日式燒烤已經有三種，而且價錢相當之吸引，二話不說我點了一個$68的午餐。入到鋪內已經感覺非常熱鬧，店內播放日本輕快歌曲，十分有氣氛，已經幻想自己去咗日本。叫嘢嘅時候係用自己手機scan QR code, 相當方便，可以慢慢揀！$68套餐包括有四款肉類共200g, 南美洲牛舌、美國牛板腱、美國牛空腹和西班牙豚五花腩，我揀咗生菜為主食（可以選擇飯為主食）、沙律或者一盒支豆，好窩心仲會有一杯清水。肉類每樣有四至五片，性價比非常之高，而我就最喜歡牛舌和豚五花，絕對值得推介，超正！其實最吸引仲有有好多支唔同醬料供客人選擇，排開嚟有10幾支，真的可以各取所需隨個人喜好點到夠。店內裝修亦相當體貼，一人一爐自己可以配合自己喜歡的速度去燒食物，筷子紙巾等就在座位前面的櫃桶，相當細心。服務質素是我預期之外，店員見我手拿一個大袋就馬上給我－個籃放大件的物品，真係要俾個讚！總括而言，性價比超高，不論食物質素有保證而且服務相當之貼心，絕對值得再幫襯。