mr.kanso (已結業)

今日放工，同男朋友黎左呢間叫Mr.kanso既餐廳醫肚，食完先知原來呢間舖係用罐頭食品做主題，真係高質到食完都唔知邊度用左罐頭！激辛咖喱牛肉烏冬 $98鍾意咖哩既我，一黎就叫左個咖哩烏冬，個咖哩好濃郁！配料都好多，好多牛肉，牛肉嫩身，烏冬唔會淋，好彈口，配埋咖哩好正！一口蟹膏多士 $78多士炸得脆卜卜，配埋表面既蟹膏，好濃郁，蟹膏好滑，份量夠多，所以一啖食落去好滿足！蟹子伴玉子燒 $58玉子燒個蛋好滑，入面仲有蛋汁，表面脆脆地，配埋蟹子，清清甜甜既組合幾好食！醃蘿蔔 海帶味 $55呢個醃蘿蔔係開胃之選，酸酸甜甜，帶有海帶味，食其他既時間配呢個醃蘿蔔食，可以消濟！