小曼谷泰國美食站

營業中

休息中

今日約咗朋友嚟銅鑼灣食飯，喺Tower 575 地庫有好多野食，呢間有個特色火車頭嘅泰國菜餐廳好吸晴，裝修風格以型格黑色配上黃色鎢絲燈膽為主調，座位舒適。餐牌款式多元化，有泰式串燒、海鮮BBQ 、咖喱、沙律、小食炸物等等。每位都會附送一碗泰式酸辣湯，酸酸辣辣好開胃。泰式串燒：牛舌（4片）泰式串燒牛舌味道與口感同日式牛舌截然不同，質感軟熟，食落有鹹香，有啲似鹹牛肉嘅感覺，加咗黑椒更惹味。珍寶帶子沙嗲串燒：帶子鮮味，爽口彈牙，可以有兩種食法，第一種配埋車厘茄同沙嗲醬一齊食幾惹味；第二種就咁食，原汁原味可以食到帶子嘅鮮味。豬肉碎生菜包🥬辣度可自由選擇，呢個係小辣版本，豬肉碎嘅份量都幾多，吵到好香帶少少辣好惹味，用清甜爽脆嘅生菜包住食減少油膩感又開胃。泰式馬拉盞炒椰菜苗落單時可自行調節口味，可以少咸及少油更健康👍🏻 椰菜苗炒得好翠綠，味道甘甜爽脆，以馬拉盞方式炒非常惹味，好有鑊氣。椰青波波 🥥 其實係椰青起咗肉，好白好滑好cute，椰汁清甜，清新解膩。整體而言，食物質素不錯，份量充足；地點方面，環境舒適；服務態度良好。