影片
更多
2018-02-22
96 瀏覽
銅鑼灣登龍街不嬲都出名多野食，當中永光中心就係表表者啦！今次就去左17樓嘅JK Kitchen去食越南野！黎到餐廳出面仲以為去錯左其他食西餐嘅地方添，入到去見到牆上有不同的紙貼公仔戴著signiture嘅越南帽先安心啲。餐廳地方不是很大，平靜的星期三午飯時候，店面眼見只有兩個店員，看得出應該是小本自家經營的。只係坐低左大約五分鐘，店外就已經有條小人龍了，所以大家如果要午飯時間黎嘅話，打電話去餐廳就最保險了！JK炸併（春卷2件，雞亦2件，蔗蝦2件，炸薯仔絲蝦2件，香茅煎魚餅2件）（＄115），樣樣都食到啲，最啱我呢啲選擇困難症的人。全部都係即叫即炸的，當中最欣賞的就係蔗蝦，出面有啲餐廳有時會貪快是但炸完就算，又或者炸得太過，以佢地炸得啱啱好，唔會過乾。味道亦都好強，點埋啲甜辣醬就perfect！香茅豬扒撈檬（＄68），豬醃得好夠味，又唔會好硬。啲汁係一碗咁另上嘅，本來覺得一定唔夠啦，仲諗住叫佢俾多一碗我，友人叫我即管試下先。原來真係啱啱好足夠，哈哈！連埋啲生菜一起食，確實好refreshing！朋友就叫左菠蘿豬頸肉炒飯($78)，一上菜我已經俾佢啲色吸引住！泰式定係越式嘅菠蘿炒飯都好，永
JK炸併（春卷2件，雞亦2件，蔗蝦2件，炸薯仔絲蝦2件，香茅煎魚餅2件）（＄115），樣樣都食到啲，最啱我呢啲選擇困難症的人。全部都係即叫即炸的，當中最欣賞的就係蔗蝦，出面有啲餐廳有時會貪快是但炸完就算，又或者炸得太過，以佢地炸得啱啱好，唔會過乾。味道亦都好強，點埋啲甜辣醬就perfect！
香茅豬扒撈檬（＄68），豬醃得好夠味，又唔會好硬。啲汁係一碗咁另上嘅，本來覺得一定唔夠啦，仲諗住叫佢俾多一碗我，友人叫我即管試下先。原來真係啱啱好足夠，哈哈！連埋啲生菜一起食，確實好refreshing！
朋友就叫左菠蘿豬頸肉炒飯($78)，一上菜我已經俾佢啲色吸引住！泰式定係越式嘅菠蘿炒飯都好，永遠都係會食哂啲豬肉鬆先嘅。唔例外，今次的飯每一啖都有配料，絕對唔會偷工減料！豬頸肉外皮都燒得好脆。
飯類同麵類都有一杯餐飲送的，我哋兩個都選擇左熱生薑蜜。本身都諗著係啲蜜醬沖出黎，唔會有咩驚喜啦，點知啲薑真係見到一片片嘅，可能係因為杯比較細小嘅關係，水小醬多，自己又唔係太愛甜，建議唔太喜歡甜野朋友可以要求要多杯水沖淡下就可以了！
張貼
