Hit the Road (已結業)

要係銅鑼灣搵個舒服地方坐低食飯........唔係無機會既, 不過要向銅鑼灣邊皮地方搵, Hit the Road係隊長既心水餐廳, 佢係樓上cafe, 地方唔易搵, 所以有時人少少, 又想靜靜坐低傾下計, 都會諗起呢到 (記得訂檯!)食物都好味既, 但餐牌就好似無乜點變, 同埋選擇唔多, 而且野食上檯係慢的, 飲完個湯, 可能要等半粒鐘先有主菜, 但唔緊要啦, 話明要靜靜坐低傾下計, 最好就你上慢D, 唔好趕我走. 我每次都會點雞扒沙律, 因為塊雞扒搽左蜜糖去燒, 層皮甜甜脆脆, 好好味~如果食完個胃仲有空間, 記得叫個心太軟食, 需知道要成功做到一個流心既心太軟唔係易事, 而呢到既心太軟, 每次黎食, 每次都係流心的!