JOY LITM (已結業)

同好姊妹黎到銅鑼灣shopping，3點3下午茶時間就黎左呢間新開既JOY LITM下午茶，呢度新開裝修好好，連menu都好畫得好靚好有心思，兩個女仔黎呢度下午茶傾下計非常適合🈴️我地叫佐一個紅絲絨疏乎厘班戟🥞呢度既紅絲絨都好天然，無加其他人造色素，唔會過甜，反而好香，班戟好軟好腍，一切落去會彈番起，勁鬆軟，紅絲絨奶蓋好滑，同班班戟真係好好既配搭，十級美味呀！另外我地每人叫佐杯飲品，日落西柚冰茶同埋超級莓果乳酪蓋茶🥤兩杯都係打卡able，西柚冰茶真係漸變色咁，好靚，西柚酸酸甜甜，茶味又濃，開胃解膩；另一杯由不同雜莓組成🍇🍓🫐打爛晒既雜莓加上乳酪蓋，果甜同埋乳酪既酸，好健康既感覺呀😝