Cielos (已結業)

今日去佐銅鑼灣接男朋友收工，咁岩行到黎呢間Cielos，見到幾有情調，就即管入黎試下。意式黑松露美國頂級和牛他他✅✅✅呢個係我最中意既菜式，和牛整到免治牛肉既質感，好綿滑，好似食緊牛肉醬咁，牛味直衝味蕾，完全唔腥，松露片同火箭菜增加和牛既鮮味，做前菜係101分呀！招牌卡邦尼巴馬臣芝士意粉✅✅呢個超正！廚師先拎一舊大芝士出嚟，然後用火槍噴溶啲芝士，之後再夾啲意粉落去同芝士撈勻，成碟意粉都係滿滿既芝士，芝士味濃，仲有埋少少肥既煙肉，更加有埋豬既油香，正到唔識形容呀！松露咖啡 Truffleccino✅✅中意松露既我忍唔住叫埋呢杯咖啡，好特別，咖啡本身已經係用靚既咖啡豆沖出黎，已經好香醇，再加上松露既煤炭味，更加香更加味道豐富，好好飲！