Manecy's Studio Restaurant (已結業)

一行4個人星期四晚嚟到諗住食吓德國菜，一坐低就話俾我哋知未有酒牌要自己買，唔緊要，自己買咁仲平啲添。餐廳鋪面裝修好靚，有黑膠碟砌成嘅掛牆裝飾，又有好英倫風嘅cushion。對於食飯要食埋環境嘅我，有加分❤唔知人手係咪唔夠呢？個餐牌裡面仲夾住個lunch menu，望一望，勁抵食，最平$60有找，銅鑼灣區嚟講算經濟實惠。成隻飯佢會不停行埋嚟幫你換碟，當晚得兩張檯入座，如果多人啲仲會唔會有咁嘅服務呢？食完都唔太夠飽，埋單4個人兩千蚊唔算太貴，但可能新開未搞掂碌卡機啦，只收現金，咁成餐飯就有些少掃興咁囉。