影片
更多
2025-02-21
0 瀏覽
好耐冇去銅鑼灣，呢一間餐廳就在一間細商場的2樓，人少少感覺良好非常浪漫。餐廳主打嘆杯茶食個甜品慢慢浪漫一番。非常適合情侶嘅地方！搵到位坐低趁朋友未到，嗌咗杯藍伯爵情人的特飲，藍色薄荷底綠色嘅茶上邊加一個奶蓋。口味豐富、清新香氣濃郁。搬上仲放住黃黃，紫紫的小花做襯托。等人都可以係一個享受。去到主食，我叫咗個烤羊西冷扒配芥末薯蓉。賣相靚就一定㗎啦，估唔到食落又香又多汁。羊扒煎到恰到好處，肉質鮮味、香料調味份量不多不少。上台之前廚師已經幫我切到一口size。所有羊扒全部一啖一件連食客的感受都輕鬆照顧到。朋友就叫咗個veggie all day Breakfast . 呢個牛角包真係超正脆卜卜仲要暖暖地。食落超級新鮮，仲要配炒蛋新鮮蕃茄同蔬菜，根本係一個完美嘅蔬菜麵包組合。坐喺度人少少，又有落地玻璃望到街景，氣氛真係感覺良好。大家唔好唔記得這裏最出名的是甜品，Menu上款款都做得10分精美，令人難以抉擇。最後我哋揀咗一杯藍莓雪糕芭菲，同埋朱古力麻糬配雪糕。淨係睇樣就已經冇得頂，再加上浪漫氣氛感覺有啲唔真實好似拍緊電影咁。甜品唔單止用心做得靚，而且仲非常好食。尤其是係北海道牛奶軟雪糕又香又滑濃厚
餐廳主打嘆杯茶食個甜品慢慢浪漫一番。非常適合情侶嘅地方！
搵到位坐低趁朋友未到，嗌咗杯藍伯爵情人的特飲，藍色薄荷底綠色嘅茶上邊加一個奶蓋。口味豐富、清新香氣濃郁。搬上仲放住黃黃，紫紫的小花做襯托。等人都可以係一個享受。
去到主食，我叫咗個烤羊西冷扒配芥末薯蓉。賣相靚就一定㗎啦，估唔到食落又香又多汁。羊扒煎到恰到好處，肉質鮮味、香料調味份量不多不少。上台之前廚師已經幫我切到一口size。所有羊扒全部一啖一件連食客的感受都輕鬆照顧到。
朋友就叫咗個veggie all day Breakfast . 呢個牛角包真係超正脆卜卜仲要暖暖地。食落超級新鮮，仲要配炒蛋新鮮蕃茄同蔬菜，根本係一個完美嘅蔬菜麵包組合。坐喺度人少少，又有落地玻璃望到街景，氣氛真係感覺良好。
大家唔好唔記得這裏最出名的是甜品，Menu上款款都做得10分精美，令人難以抉擇。
最後我哋揀咗一杯藍莓雪糕芭菲，同埋朱古力麻糬配雪糕。淨係睇樣就已經冇得頂，再加上浪漫氣氛感覺有啲唔真實好似拍緊電影咁。
甜品唔單止用心做得靚，而且仲非常好食。尤其是係北海道牛奶軟雪糕又香又滑濃厚嘅雪糕味仲有精緻嘅造型，究竟佢點樣先至可以做到一杯咁靚外型嘅雪糕呢？
另外朱古力麻糬真係好食到冇朋友，麻糬煙煙韌韌唔太甜，再加埋朱古力粉味道恰到好處。好食到唔想同人share。
如果你都想好似我哋咁去一間浪漫氣氛人又唔太多又好味的餐廳，今次絕對係啱晒你嘅選擇。
張貼
