影片
更多
2022-08-05
15373 瀏覽
想食酸辣粉除左可以去連鎖店外，有時細店更有風味😌 多次經過耀華街都留意唔到原來有間川菜館，店舖細係細左啲，大概只坐到5-6檯客，但店員態度唔錯，有賓至如歸嘅感覺😎《 重慶酸辣粉 》 $40 3.5 / 5湯頭好傳統好地道，酸同辣嘅比例恰到好處，既係酸咪咪好開胃，亦有麻辣後勁，幾嗆喉🤯 可惜薯粉偏幼身同淋，雖然更能吸收湯汁，不過口感就差啲唔算彈牙🤏《 成都肥腸粉 》 $58 4 / 5可以選辣湯或以胡椒做底嘅白湯，今次揀左白因為配肥腸好似更夾😝 湯底好濃郁好大浸胡椒味，飲落養身又暖胃，後勁有少少胡椒辣😋 粉麵方面就比酸辣粉優勝👍🏻 爽口彈牙，係份量細左啲；至於肥腸好碎濕濕，無咬口之餘份量亦較少，哩碗係湯頭同麵質獲勝😌《 夫妻肺片 》$78 3 / 5經過前面兩道麻辣主食嘅洗禮之後，呢味麻辣夫妻肺片就相對有啲平實🧐肉片滲滿麻辣醬油，肉質實淨有咬感，作為佐酒小食係唔錯，唯獨醬料味道唔算突出，所以整體評價一般🥺《 麻麻地奶凍 》 $45 4.5 / 5麻麻地嘅唔係講味道，而係食完呢個甜品之後嘅舌頭👅會有麻麻痹痹嘅感覺🥴 皆因甜品加入左香料，除左奶凍好濃郁奶香，仲有嫩滑嘅口感外，食到底更會
重慶酸辣粉
146 瀏覽
0 讚好
0 留言
《 重慶酸辣粉 》 $40 3.5 / 5
湯頭好傳統好地道，酸同辣嘅比例恰到好處，既係酸咪咪好開胃，亦有麻辣後勁，幾嗆喉🤯 可惜薯粉偏幼身同淋，雖然更能吸收湯汁，不過口感就差啲唔算彈牙🤏
成都肥腸粉
325 瀏覽
0 讚好
0 留言
《 成都肥腸粉 》 $58 4 / 5
可以選辣湯或以胡椒做底嘅白湯，今次揀左白因為配肥腸好似更夾😝 湯底好濃郁好大浸胡椒味，飲落養身又暖胃，後勁有少少胡椒辣😋
粉麵方面就比酸辣粉優勝👍🏻 爽口彈牙，係份量細左啲；至於肥腸好碎濕濕，無咬口之餘份量亦較少，哩碗係湯頭同麵質獲勝😌
夫妻肺片
90 瀏覽
0 讚好
0 留言
《 夫妻肺片 》$78 3 / 5
經過前面兩道麻辣主食嘅洗禮之後，呢味麻辣夫妻肺片就相對有啲平實🧐
肉片滲滿麻辣醬油，肉質實淨有咬感，作為佐酒小食係唔錯，唯獨醬料味道唔算突出，所以整體評價一般🥺
麻麻地奶凍
58 瀏覽
0 讚好
0 留言
《 麻麻地奶凍 》 $45 4.5 / 5
麻麻地嘅唔係講味道，而係食完呢個甜品之後嘅舌頭👅會有麻麻痹痹嘅感覺🥴 皆因甜品加入左香料，除左奶凍好濃郁奶香，仲有嫩滑嘅口感外，食到底更會有麻香，初頭食少少怪，但食多幾啖就上癮🤤 好值得試😋
整體食物雖然無傳聞中咁驚艷，但仍然係好有特色嘅川菜館👍🏻
———————————————
🏠環境舒適度：💛💛💛
👅舔脷回頭度：💛💛💛
📸打卡able度：💛💛💛
🙇🏻♀️服務滿意度 ：💛💛💛💛
———————————————
張貼
