逸亭餐廳 (已結業)

星期一至四晚去食，唔使$400/一位！任食龍蝦、麵包蟹、長腳蟹、螺肉、蜆肉......多款海鮮，味美鮮甜，淨食龍蝦都值回票價！刺身有我愛嘅希靈魚（口感爽脆）同甜蝦，仲有三文魚、吞拿魚......呢間專整豬腳薑，有得訂購，自助餐有得食就試下，果然好滑嫩，豬腳好入味，秘製薑醋好香！比較impressive嘅係有燉湯，而且唔只一款，好鮮甜！甜品有燕窩蛋撻😍同埋有部雞蛋仔機、格仔餅機，大家可以自己玩！不過我哋拿捏唔到，最後都係靠侍應整好雞蛋仔畀我哋😝有得任食movenpick雪糕、任飲支裝汽水 / 叫侍應畀果汁、檸茶......一個你可以食回本嘅自助餐。環境舒適寬敞，設計得富麗堂皇。