探花 (已結業)

餐前小食：話梅車厘茄用話梅、桂花同糖水浸左剝咗皮嘅車厘茄，甜甜酸酸咁，好refresh。松露片牛肝菌腐皮卷餐廳好細心咁俾咗二人份量，呢個腐皮卷外脆內軟，入面嘅松露同牛肝菌都好香好淋。鹹蛋黃竹炭蘿蔔絲酥餅呢個點心唔好睇小佢個樣咁黑，其實好脆，入面仲有好多蘿蔔絲，鹹蛋黃味夠晒濃郁，有驚喜。西班牙紅蝦水晶餃呢籠點心入面有一隻紅色蝦餃同一舊用黃油浸住嘅蝦，賣相超級靚，蝦餃意想不到咁Juicy，另外嗰舊黃油浸住嘅蝦肉都好鮮味，呢個我鍾意！海南雞半隻海南雞有薑蔥姜戎同豉油，海南雞夠晒滑滑溜，而且肥瘦剛剛好，又唔會太多骨。干扁黑毛豬肉鬆芥蘭呢個菜都有驚喜，芥蘭炒得好淋，仲有勁多勁香嘅肉鬆。薑蔥蝦子撈麵呢個撈麵超多蝦子，粒粒蝦子為成個面嘅口感同香味提升，撈麵係偏向粗身，似係鹼水麵一樣味道，都幾香口。飲品：龍井茶茶味非常香濃，侍應仲不停咁幫手refill。