上村牧場 (已結業)

位於銅鑼灣時代廣場嘅日本過江龍燒肉店上野牧場，佢哋喺東京、大阪和台北都有分店。呢間係食薩摩牛嘅燒肉專門店，佢哋擁有自家嘅牧場飼養薩摩牛，由飼料、飼養、加工程序等都一手包辦，所以佢哋嘅牛肉質素得以保證。餐廳有三款不同價錢嘅套餐可以選擇，而我哋呢次就揀咗最高級嘅薩摩牛饗宴套餐。佢哋嘅套餐包咗無酒精飲品任飲，有各式汽水、果汁、茶飲、coffee等。而食物方面佢哋提供咗超過170款，包括壽司、小食、丼飯、拉麵、甜品，而肉類包括咗美國同澳洲嘅和牛、伊比利豚肉、羊、雞、海鮮等。當然仲包埋高質嘅鹿兒島和牛同埋薩摩牛都可以任食。而喺咁多款咁高質嘅和牛，我呢次挑選咗幾款值得推薦同覺得係必食之選。好似有薩摩牛嘅牛五花、里肌肉，佢哋油花嘅分佈好均勻，肉味同油香平均，食到入口即化嘅口感，亦有濃濃嘅牛肉肉味。其次就可以一試厚切牛舌（鹽醬）。牛舌用咗厚切處理，食落口感特別好，加埋佢哋嘅鹽醬更能突出牛舌嘅獨有嘅肉味。除咗燒肉佢哋嘅壽司、小食都好出色。壽司款式都好多，好似有回本之選嘅海膽三文魚籽，除咗口感豐富之餘，仲好鮮甜。仲有經過炙燒嘅牛肉刺身壽司，帶有陣陣嘅炙燒香味。小食方面就有玉子燒，加入咗明太子令玉子燒多添一