The Point (已結業)

之前經過銅鑼灣登龍街好多次，見到角落頭有間食西餐，地方簡約㓗靜，想試咗幾次都冇機會。今日終於的起心肝同女朋友一齊嚟試吓呢間登龍街嘅The Point。打開Menu，最引人注目嘅莫過於係佢嘅龍蝦pizza，原隻龍蝦喺個Pizza上面，完全係未品嘗味道先震撼你嘅視覺。個Pizza真係有好多龍蝦肉喺度，仲有豐富嘅芝士同埋車厘茄，微酸嘅味道好醒胃。佢嘅肉丸整得幾出色，食得出係自家製，肉味濃郁，配上微酸嘅番茄醬，再加塊牛油麵包，真係一個絕配。白酒煮蜆煮得啱啱好，蜆肉保持鮮嫩嘅感覺，而香濃嘅白酒味就係佢個醬汁嗰度的散發出嚟。因為好耐冇食過炸蕃薯條，於是我哋兩個就忍唔住口叫咗一碟。配合香辣嘅沙律醬，好有墨西哥嘅風味最後叫咗杯荔枝Martini，濃濃嘅酒香配合荔枝嘅果甜，令人回味無窮好想叫多杯，不過星期一都係唔好飲醉啦下次有機會再飲拜拜。