花都餐廳

夜晚係銅鑼灣想食扒，上網搵到呢間新開餐廳。除左晚餐餐牌外，呢間都有d炒粉炒飯食，都幾平、五十幾蚊就有，見到隔離枱食都幾大碟。我地就叫左晚餐B同晚餐E湯都係正常發揮、個蒜蓉包好脆我幾鐘意。西冷鐵板上，渣渣聲香噴噴，好有風味🤤塊扒都幾大塊，建議大家可以揀五成熟，因為塊鐵板都幾熱、其實煮煮下都變七成。扒有肉汁、牛味都濃。葡汁焗雞扒飯，有少少芝士拉絲，雞夠滑，整體味道不錯！最後仲有個小甜品，雖然係啫喱，但係俾埋花奶，好有儀式感🤣🤣餐廳座位闊落，坐得幾舒服。員工有禮，感覺上幾有家庭式餐廳嘅感覺👍👍