影片
更多
2021-11-15
4246 瀏覽
Omakase (旨花) 🌸 $1800實不相瞞，我從來都唔鍾意食魚，無論係生定熟都唔係我杯茶🌚 但鉄人旨花既Omakase 令我改變左對魚既印象，甚至開始愛上依種獨特既鮮味😍鮭魚籽好奢侈既前菜‼️鮭魚籽顏色豔麗，圓潤飽滿，口感紮實唔黏牙，入口爆汁繼而散發住淡淡既魚卵香氣🤤神奈川針魚按照日本人既習慣，食刺身係從相對清淡既魚食起🤓 所以第二道菜就係神奈川縣針魚🐟 口感清爽既美味小魚，魚肉晶瑩剔透，捲著蔥段，伴碟係紫色小花，更顯清新感👍真鯛晶瑩剔透既真鯛刺身捲著海膽，一口咬下，緊實既魚肉除左好彈牙，仲甘爽細嫩😋 海膽既鮮甜對味蕾絕對係一種刺激，兩種海產融合既口感和味道，好正👍九州白象拔蚌九州水質純淨無污染，海水較一般低溫而且無雜質👍象拔蚌十分鮮甜，口感爽脆😬鰤魚拖羅鰤魚拖羅肉質甜美，脂膏豐腴，入口即融化係舌尖之上，超級正呀😍剝皮魚味道較淡，質感紮實。將剝皮魚肉切細同魚肝切碎攪拌既做法叫"肝tataki"，在静岡縣伊豆半島既伊東地區好流行🙌🏻 日本人果然識食😌秋刀魚壽司對比上一道剝皮魚，秋刀魚味道的確濃得多👍 鮮紅色既秋刀魚刺身唔係人人接受到，但捲上蔥段同漬物，反而覺得十分清新😻鱈魚白子+香箱
實不相瞞，我從來都唔鍾意食魚，無論係生定熟都唔係我杯茶🌚 但鉄人旨花既Omakase 令我改變左對魚既印象，甚至開始愛上依種獨特既鮮味😍
鮭魚籽
好奢侈既前菜‼️鮭魚籽顏色豔麗，圓潤飽滿，口感紮實唔黏牙，入口爆汁繼而散發住淡淡既魚卵香氣🤤
神奈川針魚
按照日本人既習慣，食刺身係從相對清淡既魚食起🤓 所以第二道菜就係神奈川縣針魚🐟 口感清爽既美味小魚，魚肉晶瑩剔透，捲著蔥段，伴碟係紫色小花，更顯清新感👍
真鯛
晶瑩剔透既真鯛刺身捲著海膽，一口咬下，緊實既魚肉除左好彈牙，仲甘爽細嫩😋 海膽既鮮甜對味蕾絕對係一種刺激，兩種海產融合既口感和味道，好正👍
九州白象拔蚌
九州水質純淨無污染，海水較一般低溫而且無雜質👍象拔蚌十分鮮甜，口感爽脆😬
鰤魚拖羅
鰤魚拖羅肉質甜美，脂膏豐腴，入口即融化係舌尖之上，超級正呀😍
剝皮魚
味道較淡，質感紮實。將剝皮魚肉切細同魚肝切碎攪拌既做法叫"肝tataki"，在静岡縣伊豆半島既伊東地區好流行🙌🏻 日本人果然識食😌
秋刀魚壽司
對比上一道剝皮魚，秋刀魚味道的確濃得多👍 鮮紅色既秋刀魚刺身唔係人人接受到，但捲上蔥段同漬物，反而覺得十分清新😻
鱈魚白子+香箱蟹
鱈魚白子，又名“雲子”，睇落好似一朵雲☁️☁️ 白子其實係魚既精巢，入口感覺滑膩🧐 外皮薄脆，内裡滑嫩，口感好特別😝
香箱蟹，又名勢子蟹，係雌性松葉蟹，體形雖然細，但蟹膏鮮香、肉質甜美，是唔少饕客最愛😎
香烤目光魚
目光魚有青綠既眼睛，所以又名青目魚🐟 廚師選用香烤既整法，接近係零調味，更突出
鮮味😻 肉質都十分細緻😋 含有相當多既脂肪，超juicy!!
Chutoro + Otoro 壽司
中拖羅係魚腩中部位置，幾乎無筋，入口即溶🤤 而Otoro 係魚腹位置脂肪豐厚既肉，食落油脂感更感誇張，極肥美🐟
鮟鱇魚肝配脆餅
鮟鱇魚肝既嫩滑程度比鵝肝更甚，口感無比幼滑鮮美，香脆既餅配合鮟鱇魚肝做餡料，口感非常特別👍
熊本車海老
終於到我最愛既🦐🦐 仲要係熊本縣產既車海老，肉質飽滿，口感彈滑爽脆，仲好鮮甜👍
北海道馬糞海膽
馬糞海膽產自北海道對南至九州地區一帶，每年12月至2月時較為當造😎 淺橙黃色既色澤，口感奶滑creamy而濃郁，入口即溶，味道鮮甜仲帶點回甘😋
白海膽
紫海膽比馬糞海膽淺色，呈橙黃色，橙中帶白，所以日本人叫佢做白海膽🧐 相比馬糞海膽，佢既甜味無咁濃烈，反而鮮中帶清😋
兩款海膽都係成杯上，放係甜品杯上真係好靚🤩
池魚刺身
日本池魚肉厚刺少，肉質鮮嫩肥美😊 脂厚油香，入口魚油甘香細膩，刺身更能帶出池魚令人齒頰留香的油分。配上香脆既紫菜，口感豐富👍
鉄人旨花 (銅鑼灣)
銅鑼灣謝斐道477-481號肇明大廈2樓
北海道牡丹蝦
新鮮既牡丹蝦🦐配上蝦膏蝦籽，係一個鮮味💯既組合☺️ 滿滿的蝦膏蝦籽，一啖放曬入口，好正‼️
赤目魚
廚師發辦既吸引之處在於食每一道菜都唔會估到係咩味道😙 依道赤目魚係煙薰味，加上用火槍噴過表面，表面微微燒焦，但魚肉保持到好鮮嫩😋
海鰻配玉子
超厚肉既海鰻😍 本身怕腥，都一般鐘意食鰻魚，依個醬燒海鰻一啲都唔腥，仲超級juicy😋 玉子入口即化，口感好鬆化🙂
海膽鮭魚籽吞拿魚手卷
全晚廚師都好細心，不停問我地食物啱唔啱食，夠唔夠飽☺️ 到甜品前最後一道菜，師傅知我地個胃仲有位🙊 特登整多個手卷俾我地食😎 海膽、鮭魚籽、吞拿魚，依個組合真係令人超滿足😆
龍蝦麵豉湯
大大舊🦞肉煮既麵豉湯真係好鮮味，食左咁多刺身可以幫助清一清味雷🤓
甜品: 夕張蜜瓜, 抹茶/芝麻雪糕
飲飽食醉當然要召喚甜品胃😎 食件超甜既夕張蜜瓜，再食啖雪糕🍨 今餐真係十分滿足😁
整體來說，今次既Omakase體驗超高質😌 食完一道菜就好期待下一道食咩，好有新鮮感😆 我平時食野都係超級快，食餐飯可能只會用20分鐘😂 但今餐我食左接近3個鐘，學下慢慢去品嚐美食，慢活一下😉
張貼
