影片
更多
2020-09-21
159 瀏覽
#肥doi遊銅鑼灣.呢間小店新開左唔係好耐，之前同肥doi係附近食飯已經比佢地既menu深深吸引住，所以就特登搵日去試下佢地既盒子吐司！-《慢煮雞胸牛油果溫泉蛋》$55多士餡料好飽滿，因為有牛油果既關係，成個多士都係凍食，慢煮雞胸仍然保持到嫩滑無渣，但係因為温泉蛋既蛋漿會隨時流到周圍都係，建議盡快食左粒蛋先。另外多士本身搽左啲疑似檸檬味既果醬，酸酸甜甜幾開胃。.《泡菜豚五花芝士滑蛋》$78*跟星級套餐B(+$25) - 雞粒CP同慢煮雞胸多士一樣咁足料，豚五花肉同泡菜洋蔥一齊炒，令到豚肉充滿泡菜既酸辣同洋蔥既甜，食落唔會太有肥膩感。滑蛋起到中和泡菜重口味既作用，雖然肥doi唔鐘意食泡菜但最後都忍唔住食多幾啖！套餐有份加15蚊同25蚊，加15蚊可以有黑松露薯條同紫薯餅，加25蚊就有雞鎚同炸雞粒。咁我地就揀左升級做炸雞粒，雞粒Size比KFC巴辣雞粒大1.5倍，炸粉唔會過多。面頭曬上少少辣粉又唔會好辣，美中不足係無任何醬可以點，但整體黎講都係好食。-👅味道：8.5/10🍱賣相：8/10 .🏠環境：7/10鋪頭係非常細，大約只可以坐到十幾人，坐滿既話係非常之逼，所以食果陣都周不時見到啲人買外
.
呢間小店新開左唔係好耐，之前同肥doi係附近食飯已經比佢地既menu深深吸引住，所以就特登搵日去試下佢地既盒子吐司！
-
《慢煮雞胸牛油果溫泉蛋》$55多士餡料好飽滿，因為有牛油果既關係，成個多士都係凍食，慢煮雞胸仍然保持到嫩滑無渣，但係因為温泉蛋既蛋漿會隨時流到周圍都係，建議盡快食左粒蛋先。另外多士本身搽左啲疑似檸檬味既果醬，酸酸甜甜幾開胃。
.
《泡菜豚五花芝士滑蛋》$78*跟星級套餐B(+$25) - 雞粒CP
同慢煮雞胸多士一樣咁足料，豚五花肉同泡菜洋蔥一齊炒，令到豚肉充滿泡菜既酸辣同洋蔥既甜，食落唔會太有肥膩感。滑蛋起到中和泡菜重口味既作用，雖然肥doi唔鐘意食泡菜但最後都忍唔住食多幾啖！
套餐有份加15蚊同25蚊，加15蚊可以有黑松露薯條同紫薯餅，加25蚊就有雞鎚同炸雞粒。咁我地就揀左升級做炸雞粒，雞粒Size比KFC巴辣雞粒大1.5倍，炸粉唔會過多。面頭曬上少少辣粉又唔會好辣，美中不足係無任何醬可以點，但整體黎講都係好食。
-
👅味道：8.5/10
🍱賣相：8/10
.
🏠環境：7/10
鋪頭係非常細，大約只可以坐到十幾人，坐滿既話係非常之逼，所以食果陣都周不時見到啲人買外賣拎走食。
.
⭐️總評分：8/10
張貼
