影片
更多
2022-11-08
1642 瀏覽
💎總評分：7.0/10-今次介紹呢間和牛專門店原來係沖繩歷史老店Steak House 88 喺香港嘅第一分店⛩，早於1955年創立現有十幾間分店，主打石垣黑毛和牛🐃，將美式風格融入當地烹調手法。店內裝修佈置幾有日式風味，近窗位置都係卡位🛋，坐得舒服較高私隱度。Menu菜式多元化，除咗有極為人氣嘅火焰拌飯🔥，仲有一系列燒肉♨️、鍋物🍲、壽司🍣、小食🍢，午市仲有set menu，圖文並茂睇到流晒口水🤤！1️⃣ 和牛88火焰牛扒 200g $438店員喺你面前即席點火🔥，因為避免太重酒味所以火焰只係維持2至3秒曇花一現👀，要打卡嘅你請早早準備🏃🏻♀️！雖然薯菜伴碟賣相似港式鐵板🥦，但用上和牛質素簡直10級跳💎，牛味濃郁無渣入口鬆化，配燒肉汁味道更加突出🐮。 只想淺嚐嘅你可以揀100g ($238) ，不過小編想影相澎湃啲就揀咗200g，都唔算好大份2人share還可以😋！2️⃣ 日本產和牛鍋 （2人前）$638二人份量一共200g肉，一人一隻雞蛋🥚，小編㨂左壽喜燒湯底，亦可以㨂日式清湯🍲。一大鍋入面基本嘅配料都已經有齊，包括椰菜、洋蔥、蒟蒻、蘿蔔🥕、菇類、粉絲等，最令人期待當然係4塊大大片嘅石垣牛啦
-
今次介紹呢間和牛專門店原來係沖繩歷史老店Steak House 88 喺香港嘅第一分店⛩，早於1955年創立現有十幾間分店，主打石垣黑毛和牛🐃，將美式風格融入當地烹調手法。店內裝修佈置幾有日式風味，近窗位置都係卡位🛋，坐得舒服較高私隱度。Menu菜式多元化，除咗有極為人氣嘅火焰拌飯🔥，仲有一系列燒肉♨️、鍋物🍲、壽司🍣、小食🍢，午市仲有set menu，圖文並茂睇到流晒口水🤤！
1️⃣ 和牛88火焰牛扒 200g $438店員喺你面前即席點火🔥，因為避免太重酒味所以火焰只係維持2至3秒曇花一現👀，要打卡嘅你請早早準備🏃🏻♀️！雖然薯菜伴碟賣相似港式鐵板🥦，但用上和牛質素簡直10級跳💎，牛味濃郁無渣入口鬆化，配燒肉汁味道更加突出🐮。 只想淺嚐嘅你可以揀100g ($238) ，不過小編想影相澎湃啲就揀咗200g，都唔算好大份2人share還可以😋！
2️⃣ 日本產和牛鍋 （2人前）$638二人份量一共200g肉，一人一隻雞蛋🥚，小編㨂左壽喜燒湯底，亦可以㨂日式清湯🍲。一大鍋入面基本嘅配料都已經有齊，包括椰菜、洋蔥、蒟蒻、蘿蔔🥕、菇類、粉絲等，最令人期待當然係4塊大大片嘅石垣牛啦🥓！肉眼已睇到油花分布比例均勻，切得厚薄適中🤩，輕輕一淥已熟，牛味突出，吸收左壽喜燒嘅味道再浸落蛋黃簡直係完美配搭👏🏻！由於小編開大火影咗好耐相先食😹，到最後個湯勁濃味，建議大家開中小火🔥，不過d蔬菜索晒湯嘅精華，清晒一鍋無難道😚。
3️⃣ 幸福和牛布甸 $58期間限定推出咗牛牛系列嘅甜品🐮！牛牛造型布甸有牛奶、朱古力兩個味道🍮，啖啖嘅牛奶味即使正餐食到好飽都仲食得落😛，整體味道唔算突出，不過動L動L個樣好可愛打卡滿分📸！
4️⃣ 和牛牛乳咖啡 $42；柑橘柚柚梳打 $42飲品同樣推出牛牛造型特飲🐮，凍飲柚子梳打隻牛係橙色嘅，要等佢溶晒D梳打先有味，店員話好多客人未等到佢溶已經飲晒D梳打，所以每人可以refill一次😂。想要熱飲可揀咖啡，當熱啡撞落白色奶冰時牛牛馬上溶到個頭穿左窿😱，味道偏甜，兩個飲品都係打卡為主👌🏻。
雖然一開始店員推介燒肉拼盤♨️，但小編比較鐘意鍋物，因為有大量蔬菜🥬，二人share份量剛好！相比下，火焰牛扒無想像中驚艷🙊，人氣火焰拌飯性價比或許較高。餐廳定價唔算便宜，始終都係食緊黑毛和牛呢🐃，喺呢個地段尚算合理。
題外話/補充資料：
🚗 喺正Times Square對面，泊商場就最方便啦！
(以上食評乃用戶個人意見 , 並不代表OpenRice之觀點。)
張貼
