影片
更多
2024-02-03
2357 瀏覽
TGIF 星期五晚約fd 鬆一鬆. 今次喺銅鑼灣試過江龍韓式連鎖店「鐘路雞林」首家在港開設嘅分店. 餐廳創自1965年，喺韓國有成幾十間分店真係家傳戶曉歴史悠久，就連韓國廚神白種元老師都力推過㗎. 裝修真係好傳統韓國店咁有啲復古. 咦，坐低都見有唔少韓國人幫襯喎，感覺好地道. 坐低店員先奉上自家醃漬的蘿蔔泡菜、芽菜及韓式醬油. 有水任添同即棄圍裙，幾貼心. 主菜菜單貴精不貴多只有辣炖雞湯及韓式雞肉火鍋兩款. 份量有2/3/4人份, 價錢由三百幾至五百幾不等. 想更豐富可以另加十多款不同配料如刀削麵杏鮑菇等. 另有多款小食好似韓式無骨雞腳、蟹子紫菜飯糰、煎餅及炒粉絲等等. 全部小食及調味都係韓國直送，夠曬原汁原味. #辣炖雞湯雞鍋用上原隻本地鮮白雞，size 特意挑上900g-1kg, 故此燉雞可以保持肉質嫩滑又唔肥膩. 鍋內有薯仔、大葱及韓國年糕等夠腍夠入味. 湯底勁爆多蒜，蒜球用成四個蒜頭打成. 味度上辣度溫和而且唔會太咸，可以當湯飲勁滋補又驅濕軀寒好啱近日天氣飲. 店員溫提，韓國人食法係會將少許蒜蓉加到醬油中，配雞肉食，非常滋味. #韓式糖餅呢個真係比較少見所以一定要叫嚟試下，餅皮
裝修真係好傳統韓國店咁有啲復古. 咦，坐低都見有唔少韓國人幫襯喎，感覺好地道. 坐低店員先奉上自家醃漬的蘿蔔泡菜、芽菜及韓式醬油. 有水任添同即棄圍裙，幾貼心. 主菜菜單貴精不貴多只有辣炖雞湯及韓式雞肉火鍋兩款. 份量有2/3/4人份, 價錢由三百幾至五百幾不等. 想更豐富可以另加十多款不同配料如刀削麵杏鮑菇等. 另有多款小食好似韓式無骨雞腳、蟹子紫菜飯糰、煎餅及炒粉絲等等. 全部小食及調味都係韓國直送，夠曬原汁原味.
#辣炖雞湯
雞鍋用上原隻本地鮮白雞，size 特意挑上900g-1kg, 故此燉雞可以保持肉質嫩滑又唔肥膩. 鍋內有薯仔、大葱及韓國年糕等夠腍夠入味. 湯底勁爆多蒜，蒜球用成四個蒜頭打成. 味度上辣度溫和而且唔會太咸，可以當湯飲勁滋補又驅濕軀寒好啱近日天氣飲. 店員溫提，韓國人食法係會將少許蒜蓉加到醬油中，配雞肉食，非常滋味.
#韓式糖餅
呢個真係比較少見所以一定要叫嚟試下，餅皮薄脆咬落質感好煙靭，質感似食老婆餅，餅內藏黑糖及玉桂等香料製成的糖芯，味道唔會太甜，豐富而有層次.
#海鮮煎餅
韓國地道小食之一，口感相當Q彈，皮幾酥脆唔油膩，韮菜幾足料好香，不過呢海鮮用料如果多啲更好.
下次試下唔辣嘅雞鍋先仲有其他小食，想試吓嘅朋友仔記得bookmark 喇.
32 瀏覽
0 讚好
0 留言
50 瀏覽
0 讚好
0 留言
34 瀏覽
0 讚好
0 留言
27 瀏覽
0 讚好
0 留言
31 瀏覽
0 讚好
0 留言
張貼
