大排檔小炒 (華發大廈)

營業中

休息中

間唔中就會掛住大排檔小炒嘅嘢食。今日天氣好凍，好想去食佢嘅金牌煲仔飯同埋海鮮啊。嗱嗱臨趁lunch hour book定今晚嘅枱先。去到餐廳，坐滿晒人，好彩有book位咋！鐵板黑椒龍蝦（$498，約一斤四）：鍾意佢寫到明幾多錢同龍蝦有幾大隻，明碼實價。龍蝦啖啖肉，肉質爽彈。好滿足呀！配埋黑椒汁就更加惹味啦椒鹽脆鮮魷（$158）：我呢碟起碼有大大件既15件，估唔到份量咁多。見佢個表面炸得咁脆本身都驚佢會唔會乾身，但又冇播，入邊都keep到Juicy。金牌臘味粒煲仔飯（$178）：澱粉控嘅我每一次都必點佢哋呢個item。臘味粒又多又惹味。煲仔飯嘅水份控制得啱啱好。每一次我都刮晒所有飯焦嚟食，真係好香口。