拉麵凪 (已結業)

朋友話想有一間銅鑼灣嘅拉麵店好好食， 所以想帶我去試下。呢間拉麵店喺渣甸坊一個比較隱蔽嘅位置， 要行一段時間先到。 慢慢行過去嘅時候，已經見到有長長嘅人龍。 真係冇諗過係呢段時間一個咁隱蔽嘅位置都會有咁長嘅人喺度排隊， 證明呢間餐廳應該啲食物質素幾好。排咗陣隊，入面嘅店員出嚟好有禮貌地比兩張餐紙我哋。我叫咗原味豚骨拉麵，我個朋友就叫佐限定拉麵 。限定拉麵個湯係蝦湯。大概等咗六分鐘， 我哋嘅餐就嚟到喇。拉麵嘅湯底好濃郁，又唔會過鹹， 味道啱啱好。上面塊叉燒亦都好淋。 糖心蛋我哋就加錢另叫， 一咬落去啲蛋漿必曬出嚟。值得一提既係店員嘅服務態度， 兩位嘅服務態度都非常之好。 總括而言，鍾意食拉麵嘅朋友一定要去試呢間餐廳呀。