影片
更多
2022-09-21
279 瀏覽
銅鑼灣隱世高質 Omakase成日聽朋友講食 Omakase，自己都好想去試下，但有好多 Omakase 都係得個名，又食唔到 Omakase 既精髓，仲要價錢好貴係銅鑼灣就有一間藏身商業大廈之中既日本菜，不但環境舒適，食物又有質素，今次可以食一餐高質的廚師發辦餐廳裝修用上和風木系風格，非常有日本味道，俾客人好似返左鄉下既感覺吧枱位置用上半圓型設計，枱面非常寬敞，空間感十足，係不同位置都可以欣賞到廚師既精湛刀功及烹調技巧廚師每道菜都會用心介紹食材及品嘗方法，店員服務殷勤有禮，值得一讚另外仲設有私人包廂，一班朋友享受高質日本菜都非常適合食物方面 :今次就選擇兩款的廚師發辦，其中一款仲係季節限定木 Ki (前菜 3 點、溫泉蛋、季節刺身 5 款、壽司 5 貫、料理 1 品、卷物、湯、甜品)季節限定 (前菜 1 點、季節刺身 3 款、壽司 5 貫、壽喜燒(安格斯肉眼2片)配白飯、湯、甜品)漬物 : 套餐都跟上昆布、沖繩苦瓜、木魚花蒜頭，牛蒡及柚子醋蘿蔔做漬物，各有各美味的味道，仲可以 Refill，當中的柚子醋蘿蔔爽甜開胃，仲係每次轉款式之前，清除味蕾的最佳漬物--- 木 Ki ---前菜
成日聽朋友講食 Omakase，自己都好想去試下，但有好多 Omakase 都係得個名，又食唔到 Omakase 既精髓，仲要價錢好貴
係銅鑼灣就有一間藏身商業大廈之中既日本菜，不但環境舒適，食物又有質素，今次可以食一餐高質的廚師發辦
餐廳裝修用上和風木系風格，非常有日本味道，俾客人好似返左鄉下既感覺
吧枱位置用上半圓型設計，枱面非常寬敞，空間感十足，係不同位置都可以欣賞到廚師既精湛刀功及烹調技巧
廚師每道菜都會用心介紹食材及品嘗方法，店員服務殷勤有禮，值得一讚
另外仲設有私人包廂，一班朋友享受高質日本菜都非常適合
食物方面 :今次就選擇兩款的廚師發辦，其中一款仲係季節限定
木 Ki (前菜 3 點、溫泉蛋、季節刺身 5 款、壽司 5 貫、料理 1 品、卷物、湯、甜品)
季節限定 (前菜 1 點、季節刺身 3 款、壽司 5 貫、壽喜燒(安格斯肉眼2片)配白飯、湯、甜品)
漬物 : 套餐都跟上昆布、沖繩苦瓜、木魚花蒜頭，牛蒡及柚子醋蘿蔔做漬物，各有各美味的味道，仲可以 Refill，當中的柚子醋蘿蔔爽甜開胃，仲係每次轉款式之前，清除味蕾的最佳漬物
--- 木 Ki ---前菜 3 點 :
北海道白粟米 - 表面輕輕用牛油燒熱，令到粟米更加香甜
甘蝦果凍刺身 - 甘蝦果凍用上甘蝦刺身，用蝦殼蝦膏熬製湯再製成既果凍，味道清新涼快
無花果巴馬火腿 - 無花果酸酸甜甜，巴馬火腿帶鹹香味，一起吃又好合拍
溫泉蛋 : 溫泉蛋 - 用上日本蛋煮成溫泉蛋，加入醬油、柚子碎，搞伴後進食，冰凍消暑
季節刺身 5 款 : 左口魚兩食 - 剌身加上竹炭鹽及紫蘇花，輕輕沾上豉油及芥末，鮮甜帶有花香味，左口魚邊用炙燒方法燒到香口，加上豉油，非常惹味
秋刀魚 - 季節限定，肉質肥美，味道較濃，配上薑茸、蔥花、醬油，鮮美甘甜，入口清爽帶油香
八爪魚鬚剌身 - 剌身去除外皮，用觸鬚位中間既肉，肉質鮮嫩，沾上竹炭鹽，帶出鮮味
岩手縣石垣貝 - 即開即食，味道鮮甜，廚師會拍打一下令肉質收縮，令到口感更爽脆彈牙
仙鳳趾生蠔 - 被稱為「海中牛奶」，肉質飽滿，口感 Creamy 嫩滑，加少少葱及蘿蔔蓉一齊食，味道鮮甜
壽司 5 貫 :深海池魚 - 肉質鮮嫩肥美，脂厚油香，配醬油、京葱、青檸碎入口魚油甘香細膩
金目鯛 - 同樣肉質鮮嫩肥美，魚皮燒到少少脆，再配柚子胡椒，味道帶少少辛辣
北寄貝 - 燒紅到有煙燻效果，加少少青檸碰，爽口彈牙
甜蝦四重奏 - 餐廳signature 壽司，用上極上甜蝦開邊刺身做底層，再加上甜蝦蓉、蝦頭膏及最後頂層既櫻花蝦粉末，層次豐富，一次感受到四層次既味道
拖羅 : 脂肪含量高，油脂甘香，入口即溶
料理一品 : 白身魚天婦羅 - 麵衣很薄又炸得酥脆，白身魚肉保持到雪白嫩滑，肉質清爽不油膩，再配上外脆內軟的南瓜天婦羅及秘製醬汁，非常高質既天婦羅料理
卷物 : 雲丹海膽杯 - 用上北海道特選白海膽，配上風乾紫菜碎及底層醋米飯，海膽味道甘甜，口感一流
湯 :特濃魚湯 - 魚湯用魚頭魚骨熬製第六個鐘頭以上，色澤奶白，味道濃郁，加入豆腐粒，簡簡單單都超好味
甜品 : 自家製蕨餅 - 口感煙煙韌韌，配上黑糖漿及十勝紅豆，為一個廚師發辦作完美的終結
--- 季節限定 ---前菜 1 點 :
北海道白粟米 - 表面輕輕用牛油燒熱，令到粟米更加香甜
季節刺身 3 款 : 左口魚兩食 - 剌身加上竹炭鹽及紫蘇花，輕輕沾上豉油及芥末，鮮甜帶有花香味，左口魚邊用炙燒方法燒到香口，加上豉油，非常惹味
秋刀魚 - 季節限定，肉質肥美，味道較濃，配上薑茸、蔥花、醬油，鮮美甘甜，入口清爽帶油香
仙鳳趾生蠔 - 被稱為「海中牛奶」，肉質飽滿，口感 Creamy 嫩滑，加少少葱及蘿蔔蓉一齊食，味道鮮甜
壽司 5 貫 :
深海池魚 - 肉質鮮嫩肥美，脂厚油香，配醬油、京葱、青檸碎入口魚油甘香細膩
金目鯛 - 同樣肉質鮮嫩肥美，魚皮燒到少少脆，再配柚子胡椒，味道帶少少辛辣
北寄貝 - 燒紅到有煙燻效果，加少少青檸碰，爽口彈牙
甜蝦四重奏 - 餐廳signature 壽司，用上極上甜蝦開邊刺身做底層，再加上甜蝦蓉、蝦頭膏及最後頂層既櫻花蝦粉末，層次豐富，一次感受到四層次既味道
拖羅 : 脂肪含量高，油脂甘香，入口即溶
壽喜燒 :
安格斯肉眼片配白飯 - 廚師即席主理，用牛脂起鑊，加入壽喜汁，把安格斯肉眼輕輕一淥到五成熟，再撈到加入蒜頭、糖、大葱既蛋黃，入口嫩滑，另外仲有新鮮既日本野菜，撈白飯食一流
湯 :麵豉湯 - 麵豉湯加入大量生海帶，滑子菇，湯味鮮甜有口感，非一般既麵豉湯
甜品 :杏仁咖啡雪糕 - 廚師特別選擇既雪糕，雪粒咖啡味濃郁，帶有好多杏仁粒粒，令到雪糕更有口感，非常喜愛呢個味道
張貼
