CHIMPZ (已結業)

【鬧市隱匿高質小店】係銅鑼灣鬧市，希慎廣場附近有間好隱匿既小店，而Chimpz就係好意外美味既小店。意大利黑松露牛肝菌意粉一捧上來，先聞到勁香既黑松露同牛肝菌既香味，每一啖意粉都食到好濃郁又creamy既醬汁。日本甲羅燒蟹膏味噌意大利飯之前食過唔好味既甲羅燒，勁腥，但呢個完全無。而滿布蟹膏既甲羅燒，睇落好吸引，入口鮮味香濃，配埋岩岩好既諗大利飯，味道超一流，食到停唔到哦~水牛城雞翼炸得勁香脆，但唔會炸到好乾，配埋酸酸辣辣既醬汁，佢為餐前小食，勁開胃。流心海膽忌廉餅外皮炸得超酥脆，入面海膽忌廉超流心，勁creamy, 但小心食用，新鮮熱辣炸起~日本麻薯窩夫餅配雪糕揀左朱古力味，味道不太甜，但配埋曲奇既雪糕，甜味就岩岩好。法式焦糖燉蛋燉蛋勁滑濃濃奶香，焦糖厚得脆身，甜度適中。