影片
更多
2021-01-28
196 瀏覽
依間中菜廳主打高級滬菜，更獲2019米芝蓮指南餐盤餐廳。由於位於大廈嘅高層位置，加上落地大玻璃，環境開揚而且仲會見到海景❤️ 佢哋最近推出咗嘅午市行政套餐，可選2至5道菜（價錢由$118-$238），從 頭盤，點心，主菜，湯同甜品入面自由配搭！如果揀五道菜嘅情況下，平均一道菜只需$48😱 仲可以試多啲菜式添--頭盤-無錫脆鱔🐟: 採用黃鱔皮，醬汁超濃郁！口感酥脆👍🏽 平時正價叫要$88㗎~鎮江肴肉： 廚師特登將肴肉同凝固嘅鎮江甜醋合體，幾有創意😂 肴肉有好多肉粒，食落更有咬口同層次感😜*-點心-豫園小龍包：小龍包嘅皮造得幾薄👍🏽 夾起外皮都唔會容易穿~咬開即刻流出滿滿嘅湯汁😍 成個比例做得唔錯紅油抄手：沾上酸酸辣辣嘅醬汁，幾惹味。不過除咗個皮幾滑，整體味道無咩特別😂*-主食-蟹肉擔擔飯（＋$58）：飯粒軟綿分明，食落有啲似Risotto, 面頭再鋪上一絲絲蟹肉，配上濃郁蟹黃汁！蟹味超濃🦀 係口感比較單一*-湯-鮮魚羹🥄：加咗魚肉、蛋花，鮮菇，木耳絲，荀絲等🍄飲落鮮甜，質感濃稠而且幾重胡椒味~ 唔講唔知原來原價要$98！酸辣湯：同樣好多配料，仲有龍蝦肉添🤩 酸味幾夠，但辣味欠捧🌶竹笙花膠紅
-
-頭盤-
無錫脆鱔🐟: 採用黃鱔皮，醬汁超濃郁！口感酥脆👍🏽 平時正價叫要$88㗎~
鎮江肴肉： 廚師特登將肴肉同凝固嘅鎮江甜醋合體，幾有創意😂 肴肉有好多肉粒，食落更有咬口同層次感😜
*
-點心-
豫園小龍包：小龍包嘅皮造得幾薄👍🏽 夾起外皮都唔會容易穿~咬開即刻流出滿滿嘅湯汁😍 成個比例做得唔錯
紅油抄手：沾上酸酸辣辣嘅醬汁，幾惹味。不過除咗個皮幾滑，整體味道無咩特別😂
*
-主食-
蟹肉擔擔飯（＋$58）：飯粒軟綿分明，食落有啲似Risotto, 面頭再鋪上一絲絲蟹肉，配上濃郁蟹黃汁！蟹味超濃🦀 係口感比較單一
*
-湯-
鮮魚羹🥄：加咗魚肉、蛋花，鮮菇，木耳絲，荀絲等🍄飲落鮮甜，質感濃稠而且幾重胡椒味~ 唔講唔知原來原價要$98！
酸辣湯：同樣好多配料，仲有龍蝦肉添🤩 酸味幾夠，但辣味欠捧🌶
竹笙花膠紅燒翅（＋$98）魚翅有返咁上下份量、竹笙、花膠，口感軟稔。而個燴汁食到就主要為蠔油，醬油為主~
*
-甜品-
桂花酒釀丸子：丸子十分有咬口😎配埋桂花散發怡人嘅香氣，食完有種放鬆嘅感覺。最重要係唔會過甜
杞子桂花糕：擺盤竟然喺兩條鯉魚，打卡一流📷 桂花糕食落唔會鬆散，味道清新
-
茶芥($18/每位)，餐前小食: 醃酸蘿蔔($25)
張貼
