吉列牛忌廉烏冬專門店 (百樂中心) (已結業)

吉列牛忌廉烏冬專門店相約友人去銅鑼灣食日韓菜,餐廳位於銅鑼灣耀華街3號百樂中心22樓,餐廳裝修簡約以工業風設計,以灰黑色和木係為主調,餐廳位於高層可以遠望草地球場和遊泳池,餐廳主打韓國菜和日本菜,有日式定食和韓式釜飯供客人選擇,食物份量大而性價比高,服務員招呼有禮。牛里脊炒飯配流心蛋炒飯配料有洋蔥絲冬菇片蔥花和白芝麻,流心蛋廚師控制得剛剛好唔會過火,仍有流心的口感,牛里脊肉入口嫩滑有牛味,飯粒比較濕潤唔會太乾。醬燒黑豚肉釜飯釜飯配有蛋絲,白芝麻和紫菜,黑豚肉大大塊,有少少肥膏但入口不膩,整碗飯材料豐富,食得好滿足。Kobekyu牛油蜜糖單骨雞翼單骨雞翼有白芝麻鋪面和半片檸檬作點綴,牛油同蜜糖與雞翼幾匹配,雞翼食落甜甜地有芝麻香。鹹蛋薯條薯條份量都不少,每條薯條都沾滿鹹蛋黃,鹹鹹地嘅薯條有蛋黃味,唔錯。