影片
更多
2018-10-21
385 瀏覽
今晚難得肥妹仔嘅屋企人都喺銅鑼灣度收工，肥妹仔決定同肥爸肥媽佢哋一齊去試一間點心專門店食晚飯，因為真係有陣時食得西餐多都會悶悶哋想轉下新口味。籠太子蝦餃皇 $30肥妹仔我係蝦餃愛好者，去到邊都會叫一籠蝦餃食。呢一度嘅蝦餃真係冇得頂!先講佢個皮，皮薄口感煙韌， 蝦餃入面嘅蝦肉大大粒，爽口彈牙，超級好食。鵪鶉蛋燒賣 $28平時燒賣就食得多，鵪鶉蛋燒賣都幾小食。難得見到就叫咗一客嚟試下。佢嘅賣點就係嗰粒鵪鶉蛋，鵪鶉蛋嘅size都唔細，爽口彈牙，燒賣入面嘅豬肉餡料好香，一啲都唔油膩。黑椒金錢肚 $29金錢肚係肥爸嘅至愛，每次去飲茶都會叫嚟食。呢一度嘅金錢肚蒸到好軟諗，一啲都唔韌，而且好香黑椒味。下面仲有一啲烏冬墊底，烏冬吸唒金錢肚嘅醬汁，超級入味。藥膳雞腳 $24呢一個雞腳真係肥妹仔要畀手指公，平時肥妹仔食開都係鮑汁雞腳，第一次食藥膳雞腳。佢嘅雞腳又係吸滿了咗佢嘅藥膳湯汁嘅味道，清清哋，好食。但係肥妹仔覺得最好食嘅唔係佢嘅雞腳，而係呢一個藥膳湯汁，真係超級清甜，完全冇任何味精，飲完仲會想再飲多碗。多汁小籠包 $24老老實實，肥妹仔喺一啲唔係專食上海菜嘅地方如果嗌小籠包係完全唔會期待佢有湯
今晚難得肥妹仔嘅屋企人都喺銅鑼灣度收工，肥妹仔決定同肥爸肥媽佢哋一齊去試一間點心專門店食晚飯，因為真係有陣時食得西餐多都會悶悶哋想轉下新口味。
籠太子蝦餃皇 $30
肥妹仔我係蝦餃愛好者，去到邊都會叫一籠蝦餃食。呢一度嘅蝦餃真係冇得頂!先講佢個皮，皮薄口感煙韌， 蝦餃入面嘅蝦肉大大粒，爽口彈牙，超級好食。
鵪鶉蛋燒賣 $28
平時燒賣就食得多，鵪鶉蛋燒賣都幾小食。難得見到就叫咗一客嚟試下。佢嘅賣點就係嗰粒鵪鶉蛋，鵪鶉蛋嘅size都唔細，爽口彈牙，燒賣入面嘅豬肉餡料好香，一啲都唔油膩。
黑椒金錢肚 $29
金錢肚係肥爸嘅至愛，每次去飲茶都會叫嚟食。呢一度嘅金錢肚蒸到好軟諗，一啲都唔韌，而且好香黑椒味。下面仲有一啲烏冬墊底，烏冬吸唒金錢肚嘅醬汁，超級入味。
藥膳雞腳 $24
呢一個雞腳真係肥妹仔要畀手指公，平時肥妹仔食開都係鮑汁雞腳，第一次食藥膳雞腳。佢嘅雞腳又係吸滿了咗佢嘅藥膳湯汁嘅味道，清清哋，好食。但係肥妹仔覺得最好食嘅唔係佢嘅雞腳，而係呢一個藥膳湯汁，真係超級清甜，完全冇任何味精，飲完仲會想再飲多碗。
多汁小籠包 $24
老老實實，肥妹仔喺一啲唔係專食上海菜嘅地方如果嗌小籠包係完全唔會期待佢有湯汁爆出嚟嘅感覺，但係呢一度嘅小籠包係令肥妹仔我完全改觀咗!佢嘅小籠包真係有好多湯汁，咬一口落去除咗食到好香嘅豬肉餡料外，仲飲到好甜好香嘅湯汁，正。
薑蔥牛柏葉 $26
牛柏葉本身係一啲冇味嘅食材，真係好靠佢嘅醬汁幫佢提味。呢度嘅牛柏葉口感比較爽脆。好有咬口。
香蔥海鮮芝士薄撐 $29
係人都知肥妹仔我係超級鍾意食脆口嘢嘅。呢一度嘅香蔥薄撐完全滿足到我嘅慾望，佢煎到非常香脆，蔥非常多，食落去有滿滿嘅香蔥味，而佢嘅芝士脆邊亦令到呢一個薄撐有一種好香嘅芝士味，不得了。
蝦腸 $30
呢一個蝦腸又係肥媽食到讚不絕口，因為佢嘅蝦腸除咗蝦肉非常爽口彈牙之外，其實佢嘅重點係佢嘅腸粉皮真係超級香米香味，同埋超級煙韌，又唔會過份厚，點一啲甜豉油食，超級好食。
不是炸兩腸 $29
真係個名都好搞笑，係呀!佢唔係普通嘅炸兩腸，而係入面除咗有油炸鬼，仲會包咗一啲好似蘿蔔絲酥嘅餡料，食落去口感非常豐富，又有腸粉嘅煙韌，又有炸両嘅脆度，好好食。
鳳爪排骨飯 $30
話明食晚餐，又點可以唔食飯呢？鳳爪排骨飯嘅鳳爪排骨分量超級多，淋上香甜嘅甜豉油食，粒粒飯都吸滿醬汁同埋排骨油香， 好味。
鹹魚肉餅飯 $30
另外仲叫咗一個鹹魚肉餅飯，佢嘅肉餅蒸到非常香，除咗有鹹魚嘅香味之外，仲有本身肉餅嘅豬肉香，唔會太過柴，撈埋飯一齊食好好食。
海皇芝士千絲卷 $30
見到檯枱食客都會叫呢一個食，肥妹仔我當然唔執輸叫返過嚟試下啦!佢外面嘅脆絲炸到非常香口，而入面就有一啲海鮮餡料，食落去香脆可口。
香芒沙律盞 $24
呢一個香芒沙律盞係將一啲新鮮嘅水果撈沙律醬放喺一個脆筒上，食落去非常fresh!!!水果清甜，好好食。
老火湯 $16
是日精選係蟲草花湯， 肥妹仔我試飲咗一啖，真係亦都係好好飲，因為完全冇味精，飲落去除咗係好清甜之外，已經冇形容詞可以形容到佢，佢呢度嘅湯品真係做得一絕。
張貼
