龍皇酒家 (世貿中心) (已結業)

去銅鑼灣飲茶以前我成日去西苑，因為D野食有水準好少錯，但佢成日都咁多人地方真係幾嘈。自從試過世貿龍皇之後，我又多一個銅鑼灣飲茶好地方。今日星期六同屋企人飲早茶，我叫左最鍾意食既水晶禮盒，入面D黑松露味道好香，加埋D菇同翠瓜好好食，一讚，必叫！而鮑魚燒賣皇及脆皮燒腩仔就係我老豆既至愛，燒賣其實一般，叫做多塊鮑魚仔矜貴左，但個燒腩仔真係正，皮脆又無咩肥膏，點埋芥辣食，good!另外試左個石窩富貴蝦球，賣相好唔似蝦，食落辣辣地，有驚喜但唔算好好食~最後叫多左幾個點心同一品炒飯，望住個海景嘆茶，weekend咁樣過真係relax。