mr.kanso (已結業)

原來銅鑼灣開佐間日式餐廳以唔同罐頭造成唔同菜式，好特別，估唔到罐頭造出黎既菜式都可以咁好食！中意食辣既我地先叫佐激辛咖喱牛肉飯 $98🍛橙黃色既咖喱牛上到黎已經感受到辣，不過送飯真係一流，香濃既咖喱汁滲晒落飯，牛肉又好有咬口，一碗飯都唔夠呀！😆另外我地叫佐無咁重口味既白汁吞拿魚意粉$88，白汁好香，淡淡既忌廉香，配埋一舊舊吞拿魚同啲意粉一齊食好夾😋我地都試埋小食，蘑菇漢堡扒薯蓉 $78，薯蓉上面放佐一大塊漢堡扒，上面再鋪蘑菇，口感好好又香！🤤最後叫多佐個醃蘿蔔 海帶味 $55，酸酸咸咸既蘿蔔好開胃，食到飽晒咁食直情幫助消化添🤣