滿屋日本料理 (已結業)

今晚去銅鑼灣滿屋食放題，食到滿肚腸肥，爭啲行唔郁。🤣滿屋口碑唔錯，所以五點半未開門，已經門口堆咗一堆人等入門。我同囡囡都急不及待食頭輪，首先食下自助冷盤。我就食沙律，女就食溫泉蛋。飲品方面，較特別有自助嘅清酒同梅酒 好容易回本👏👏食物選擇豐富，刺身壽司串燒，一品料理，一應俱全。仲有特色嘅鮑汁花膠，海鮮粥，竹笙魚翅，燕窩燉蛋等等。鍾意啲手卷整到迷你size，可以試多啲款。 最後仲有haagen dazs雪糕，有限定口味嘅蜜瓜味，幾清新😋想讚下餐廳全晚冇漏過單，店員都幾有禮貌 同埋做嘢快手。