爺爺雞飯 (金百利中心) (已結業)

最近同朋友去咗銅鑼灣嘅一間樓上馬來西亞餐廳，性價比甚高，兩個人叫咗個二人套餐，食飽飽都只係200蚊左右，非常推薦大家試下。首先，前菜有柚子明蝦沙律，酸酸甜甜，柚子又夠多，開胃又清新。再嚟有兩款輕食，梗係要試下咖央多士，咖央味濃，多士夾住一大塊滑溜嘅牛油，牛油入口即溶，貌似邪惡但其實唔膩。椒鹽豆腐炸得香口，同時豆腐保持住嫩滑，味道唔錯。主菜方面，我哋叫咗半隻爺爺海南雞，兩個人食絕對夠，唔同部位嘅雞肉都有，肥美嘅雞脾、結實嘅雞胸都有，食完真係好開心好滿足。雞湯菜苗，本來以為平平無奇，點知味道出乎我哋意料地出色，菜芯翠綠嫩口，雞湯鮮甜，煮到入哂味令菜芯都甜甜地。雖然係夜晚，但係我哋都叫咗馬來咖啡，奶係分開上，可以先試下原味，之後再加，多重享受。甜品方面，雨露蛋糕滑溜涼爽，又唔會太甜，作為飯後甜品非常合適。十年陳皮紅豆沙，陳皮比我哋想像更香，令紅豆沙味道大大昇華，好後悔冇叫一人一碗。