ZENTRO EAST (已易手) 新餐廳

之前響利園食幸福pancake時見過呢間餐廳，裝修好靚丶感覺好高級，望下個lunch menu又唔算貴，最重要個lunch menu係橫跨12:00至19:30，於是搵日放假去認認真真咁歎下。餐廳既裝修真係好stylish,玫瑰金配石牆，感覺好高級。當日有D陽光，坐窗邊映襯埋外面既植物真係好relax,不過因為太曬所以後來轉左位。呢間餐廳係食fusion菜，menu上有各國美食，我哋揀左北海道帶子鮮蝦蕃紅花燴意大利飯同西班牙炭燒豬架配芥末汁及蔬菜。成個餐有湯丶沙律丶主菜同飲品，主菜份量略少，男士一定唔夠飽，女士就啱啱好。老實講，意大利飯個名就長，味道就略淡，唔會留下深刻印象，反而個炭燒豬架有驚喜，炭火鎖住肉汁，肉嫩又juicy ，配上芥辣真係提到味，性價比高！紅蘿蔔creamy湯同salad都算合格。要一提既係員工自己態度較散漫，坐得入面會較容易比人忽略 ，餐廳要注意。如果以百多元的價錢在這地段享用這餐，算不錯了！