Casamigos

營業中

休息中

呢間西班牙餐廳無論係食物同服務質素都絕對一流！完全值得個加一🤣店員每上一道菜都會介紹個菜式，經過見至你隻碟污糟都會幫你換，超貼心！店內亦有室內外座位，環境寬敞舒適～香煎鵝肝多士鵝肝煎完之後外層微微焦香🥹一足入去過油bid曬出嚟勁邪惡勁好食，多士就烘到勁脆 ，超好食！北海道帶子刺身帶子刺身切到一粒粒方便食，食落好新鮮，配埋柚子醋、果肉、三文魚子同魚子醬，咸咸甜甜咁勁好食！慢煮加利西亞式八爪魚腳食落勁腍身又帶點煙韌🤤🤤聞落勁香！佢個醬汁甜甜邛。。咁勁夾勁好食！香煎紐西蘭比目魚柳配香草牛油汁比目魚柳都厚身而且新鮮，啲肉質係一梳梳好嫩滑！魚皮煎得好香脆，個底仲有好creamy嘅薯蓉，成個combination好好食又唔膩麻辣蜆肉手工意粉蜆肉大大粒好飽滿，而且食落冇沙～個意粉一定要趁熱食！如果唔係啲汁就會king 咗～但個汁麻辣得黎勁惹味，鍾意試吓fusion菜嘅必食！巴斯克蛋糕呢個又係勁好食🥹唔會太甜又勁creamy🥹食完完全想再encore!!