影片
更多
2018-06-30
329 瀏覽
今日收工後，就同朋友食個便飯，就搵左一間有好多家常便飯既餐廳食下。餐廳上都係卡位，入到去都幾多人下，同埋聞到好香，估計應該幾好食😋餐牌上小菜選擇有好多，而且仲有鐵板扒，又有經濟既二人餐都係$188。同朋友點左個二人餐加左個餸，包兩碗例湯同白飯。今日既例湯係眉豆煲雞腳湯，老火湯最重要係夠火喉，飲落碗湯完全唔同外面茶餐廳既例湯質素。雖然係跟餐送既，但係飲落一點都唔馬虎，湯既色澤好深色，飲落極為有味，而且唔係飲得出碗湯好足料，完全無加味精，就好似飲梗屋企媽咪煲既湯一樣，熱辣辣咁上枱，再食埋入面既雞腳，感覺好滿足😋Xo醬粉絲生蠔煲呢個極級推介，完全估唔到係茶餐廳可以食到呢個質素。生蠔全部都大大粒脹卜卜，食落都好鮮甜惹味，而且入面起碼有成八隻以上，非常足料。底下既粉絲都無失望，鍾意食粉絲既朋友仔今次就一定滿足，因為粉絲全部索哂xo醬同蠔既鮮味，而且粉絲處理得岩岩好，食落味道好吸引，最後全部食哂。家鄕梅菜扣肉呢個梅菜扣肉煲都值得一試，扣肉既肥瘦比例剛剛好，梅菜用來送白飯一流，夠咸味但唔會太過咸。而且扣肉夠肥，有一半係瘦，炆得夠入味，肉同皮都沾滿了梅菜的味道，食完令人回味。魚香茄子煲我最欣賞呢間餐廳
今日收工後，就同朋友食個便飯，就搵左一間有好多家常便飯既餐廳食下。
餐廳上都係卡位，入到去都幾多人下，同埋聞到好香，估計應該幾好食😋餐牌上小菜選擇有好多，而且仲有鐵板扒，又有經濟既二人餐都係$188。
同朋友點左個二人餐加左個餸，包兩碗例湯同白飯。
今日既例湯係眉豆煲雞腳湯，老火湯最重要係夠火喉，飲落碗湯完全唔同外面茶餐廳既例湯質素。雖然係跟餐送既，但係飲落一點都唔馬虎，湯既色澤好深色，飲落極為有味，而且唔係飲得出碗湯好足料，完全無加味精，就好似飲梗屋企媽咪煲既湯一樣，熱辣辣咁上枱，再食埋入面既雞腳，感覺好滿足😋
Xo醬粉絲生蠔煲
呢個極級推介，完全估唔到係茶餐廳可以食到呢個質素。生蠔全部都大大粒脹卜卜，食落都好鮮甜惹味，而且入面起碼有成八隻以上，非常足料。底下既粉絲都無失望，鍾意食粉絲既朋友仔今次就一定滿足，因為粉絲全部索哂xo醬同蠔既鮮味，而且粉絲處理得岩岩好，食落味道好吸引，最後全部食哂。
家鄕梅菜扣肉
呢個梅菜扣肉煲都值得一試，扣肉既肥瘦比例剛剛好，梅菜用來送白飯一流，夠咸味但唔會太過咸。而且扣肉夠肥，有一半係瘦，炆得夠入味，肉同皮都沾滿了梅菜的味道，食完令人回味。
魚香茄子煲
我最欣賞呢間餐廳就係上枱時每樣餸同湯都keep住好熱好新鮮，同埋食落小菜都好夠鑊氣，呢點加左唔少分。魚香茄子煲上枱香噴噴，食落茄子都好夠林，而且肉碎都夠多，用來撈飯真係好正，有小小辣得來但都充滿鹹魚香，同會食到有鹹魚係入面。
椒鹽焗豬扒
呢味餸份量都唔小，起碼有十塊，每塊都煎到金黃色，食落都好香椒鹽既味，而且加左小小蒜，令豬扒味道更加出色，內裡肉質都夠嫩滑，口感不錯。
菜心唔洗落任何蠔油同豉油都夠原汁原味。
整體水準不錯，小菜夠鑊氣，充滿大排檔風味。
張貼
