Mr. K Pizza N Chicken (已結業)

登龍街有好多美食，今日試左Mr K Pizza炸雞，呢度意粉炸雞都做得非常出色，淨係食個炸雞已經飽咗，下次先再試下佢個Pizza。🍗彩虹炸雞配芝士包 $238一次過滿足你8個願望，試到8款口味嘅炸雞：泡菜蛋黃、黑糖、蜜糖芥末、甜辣、香草青檸、蒜香蜜糖、雙重芝士、BBQ香辣。個份量大到不得了，而且每款都各有特色，再加埋中間超邪惡嘅芝士包勁正，個包焗到外脆內軟，食落仲有pizza嘅香味，入面嘅芝士又勁濃郁，拉絲到勁長都唔斷。🍝泡菜魷魚卡邦尼扁意粉 $148呢個升級版卡邦尼好特別係金黃色食嘅，食落仲有好香嘅泡菜味，超級多汁到每一條意粉都掛汁，而且仲好足料有好多粒粒魷魚而且好彈牙。🥗凱撒沙律 $90呢個沙律嘅羅馬生菜幾新鮮，凱撒醬、芝士碎同煙肉碎都好足夠，係個唔錯嘅沙律。