影片
更多
2022-06-24
3324 瀏覽
平時真係極少介紹中餐，其一我自己偏愛食西餐，日本料理，其二高質素既中餐比較少食到🧐 父親節同屋企人食左位於銅鑼灣既睿私房菜，就必須要推介俾大家😎 除左望到全個跑馬地景觀，另一邊仲望到維港海景，一邊望住夜景一邊享受高級私房菜，絕對係極致既享受😎鮑參翅肚套餐 約$500/位涼拌花膠前菜先食一個冷盤: 涼拌花膠! 炆花膠就食得多，凍食花膠原來咁爽口😋 涼拌既煮法大大減少左平時熱食花膠既飽滯油膩感，仲充滿香蒜芫荽味，十分惹味😍冰鎮咕嚕遼參看似係普通既冰鎮咕嚕肉？錯啦，咬開入面原來係遼參!! 遼參可謂海參之首，係刺參既一種，仲可以補氣養血，固本培元🤓 遼參表面炸到脆卜卜，淋上咕嚕汁好好食!! 乾冰噴煙既效果，配上七彩繽紛既水果，打卡一流👍碧綠羊肚耳炒鮑魚鮑參翅肚套餐又點少得鮑魚？原隻新鮮鮑魚好爽口，用上XO醬爆炒特別惹味😋 羊肚耳(又名珍珠菌)勁爽口，原來用黎炒豆莢係咁正，屋企人即刻話要去買黎炒餸🤣金絲蝦球係我最鍾意食既蝦🦐 蝦球被脆卜卜既脆漿包裹住，外脆內軟，即叫即炸💯 依道菜絕對好考廚師功架，油既溫度要控制得十分好，先可以炸成金黃色，一不留神就會過燶!!魚翅釀竹笙又一巧手菜!! 將魚翅釀喺竹
鮑參翅肚套餐 約$500/位
涼拌花膠
前菜先食一個冷盤: 涼拌花膠! 炆花膠就食得多，凍食花膠原來咁爽口😋 涼拌既煮法大大減少左平時熱食花膠既飽滯油膩感，仲充滿香蒜芫荽味，十分惹味😍
冰鎮咕嚕遼參
看似係普通既冰鎮咕嚕肉？錯啦，咬開入面原來係遼參!! 遼參可謂海參之首，係刺參既一種，仲可以補氣養血，固本培元🤓 遼參表面炸到脆卜卜，淋上咕嚕汁好好食!! 乾冰噴煙既效果，配上七彩繽紛既水果，打卡一流👍
碧綠羊肚耳炒鮑魚
鮑參翅肚套餐又點少得鮑魚？原隻新鮮鮑魚好爽口，用上XO醬爆炒特別惹味😋 羊肚耳(又名珍珠菌)勁爽口，原來用黎炒豆莢係咁正，屋企人即刻話要去買黎炒餸🤣
金絲蝦球
係我最鍾意食既蝦🦐 蝦球被脆卜卜既脆漿包裹住，外脆內軟，即叫即炸💯 依道菜絕對好考廚師功架，油既溫度要控制得十分好，先可以炸成金黃色，一不留神就會過燶!!
魚翅釀竹笙
又一巧手菜!! 將魚翅釀喺竹笙入面，再用高湯慢慢燴至入味，魚翅同竹笙本身都無咩味，但經精心烹調後反而帶出食材本身既鮮味👍
清酒帶子
一打開已經聞到好濃烈既清酒香，平時好少飲清酒，因為覺得好苦好啃🙈 估唔到以酒入饌又幾易入口，飲完覺得成個身都好暖!! 帶子好厚肉好爽口，加上菇既鮮味，依個湯煮得十分出色👏
石榴荷葉飯
屋企人大讚係佢地食過最好食既荷葉飯‼️街外既荷葉飯好多時都無荷葉香，飯底唔夠乾身變爛飯😰 但依個荷葉飯正正係一個完美既示範，唔止米飯粒粒分明，軟硬適中，仲加入左海量冬菇絲，乾魷魚，原隻鮮蝦，肉碎，好足料，每一啖都充滿荷葉香😎
招牌布甸
食完鮑參翅肚，當然要以甜品作結!! 芝麻布甸一啲都唔甜，仲充滿芝麻香，估唔到中菜館既甜品都整得咁出色🤩
張貼
