GAIJIN

營業中

休息中

又係一年一度稿賞自己嘅時候，辛苦咗成年，食多餐好嘅對自己好啲！☺網上面見到呢一間都有好多食評，啲食物質素好似都幾高，仲要喺銅鑼灣，中心地區夠晒方便，一於就揀佢啦。 入到去已經覺得個環境好舒服，枱同枱之間嘅距離唔會太迫，佢哋仲做緊折扣，感覺幾抵！我哋一人嗌咗一個main dishes，分別係澳洲龍蝦配海鮮龍蝦汁意大利飯，因為我自己真係好鍾意食意大利飯，呢一個有成半個龍蝦，上到枱真係嘩嘩聲！個龍蝦大過我個手掌，再配埋海鮮，有青口帶子等等，個飯都好好味，好香口，最重點係個龍蝦汁真係好濃味，超掛汁每一粒意大利飯！好味😍另外仲嗌咗一個慢煮西班牙黑毛豬鞍跟帶子，個黑毛豬鞍又係好大個，最欣賞佢哋嘅火候控制得好好，一啲都唔柴口，個大字都係好大粒😍😍😍 另外再嗌咗個沙律：暖鮮蝦柚子沙律同埋甜品係法式焦糖燉蛋，我地開心share 食，又係好高質， 沙律好爽口清甜，甜品又唔會係一味死甜！抵讚