四姐川菜

營業中

休息中

餐廳：四姐川菜地點：銅鑼灣耀華街菜式：川菜餐牌：呢度晚市做套餐，每位$360，根據人數選指定涼菜熱菜數目，熱菜有水煮類，泡椒類，辣子類，干煸類，家常類，不辣類同湯類。涼拌木耳涼拌木耳好大兜，份量唔少，加左好多蒜蓉，少少辣椒同蔥。味道少辣多酸，木耳爽脆，好食。紅油豬耳紅油豬耳都係好大兜，豬耳片暖暖地，食落痴牙，軟骨有咬口，個汁少辣，面頭灑上好多蔥花。糖醋里脊糖醋里脊大概有15條，炸得皮脆有咬口，個糖醋汁好開胃，面頭灑上蔥花。川式椒鹽蝦川式椒鹽蝦一客8隻連殼蝦，熱辣辣上枱，炸得殼脆香口，絕對可以連殼食，蝦頭仲有膏添！伴有滿滿蒜蓉蔥花，味道惹味。干煸鱔魚片干煸鱔魚片份量唔少，整得皮脆香口，味道都頗辣，加左好多辣椒。其他配料仲有爽脆蒜芯，蒜頭，蔥花同花椒。味道好惹味，送飯一流。蒜蓉油墨菜油墨菜新鮮爽脆蒜蓉味剛好。總括而言，食物質素唔錯，有辣又唔辣。入面大概有12張枱，好有家感覺。