影片
更多
2025-02-10
149 瀏覽
鮨本Omakase Lunch🍣最平$580有交易，價錢貼地，但質素都好高呢！今次我點嘅係$780/set！有壽司十貫+茶碗蒸+酒肴二品+卷物+玉子燒+湯同甜品，十分豐富。茶碗蒸好有特式，入面加咗白飯魚同獨活，令口感同味道都更加有層次🥚酒肴二品分別係目光魚一夜干同慢煮鮟鱇魚肝，我較喜歡目光魚一夜干，食落帶醎香，而且油份充足。開始壽司部份，有幾款特別深刻🍣白鮭魚嘅魚肉豐潤，味道濃郁，夠鮮味！而池魚油脂都非常厚 ，魚油帶甘香，有令人齒頰留香嘅感覺。第一次食嘅鰆魚，銀色魚皮閃亮，濃香魚味，口感軟綿🐟大溝貝夠甘甜，質感亦細膩，鮮味特別濃郁。醋醃嘅小鯽魚，魚鮮中滲透淡淡酸味，層次分明，感覺特別！醃製吞拿魚腩，係用上野生吞拿魚，所以特別濃郁，平時愛吃拖羅嘅我都好滿足😌另外仲有昆布漬甜蝦，半熟赤竹海老，海膽，半熟帆立貝。而卷物就係吞拿魚蓉卷物，要讚吓佢哋用嘅紫菜都好脆🤤雖然紫菜只係配料，不過對整體嘅影響都好大~另一驚喜位就係江戶前玉子燒，外形好似蒸蛋糕咁，但入口又切切實實係一個蛋味極濃嘅玉子燒，而且邊位特別好味，更加食到外脆內軟嘅感覺。最後就係湯同埋甜品，甜品係海鹽雪糕，另外亦都可以選擇熱咖啡☕️
茶碗蒸好有特式，入面加咗白飯魚同獨活，令口感同味道都更加有層次🥚
酒肴二品分別係目光魚一夜干同慢煮鮟鱇魚肝，我較喜歡目光魚一夜干，食落帶醎香，而且油份充足。
開始壽司部份，有幾款特別深刻🍣
白鮭魚嘅魚肉豐潤，味道濃郁，夠鮮味！
而池魚油脂都非常厚 ，魚油帶甘香，有令人齒頰留香嘅感覺。
第一次食嘅鰆魚，銀色魚皮閃亮，濃香魚味，口感軟綿🐟
大溝貝夠甘甜，質感亦細膩，鮮味特別濃郁。
醋醃嘅小鯽魚，魚鮮中滲透淡淡酸味，層次分明，感覺特別！
醃製吞拿魚腩，係用上野生吞拿魚，所以特別濃郁，平時愛吃拖羅嘅我都好滿足😌
另外仲有昆布漬甜蝦，半熟赤竹海老，海膽，半熟帆立貝。
而卷物就係吞拿魚蓉卷物，要讚吓佢哋用嘅紫菜都好脆🤤雖然紫菜只係配料，不過對整體嘅影響都好大~
另一驚喜位就係江戶前玉子燒，外形好似蒸蛋糕咁，但入口又切切實實係一個蛋味極濃嘅玉子燒，而且邊位特別好味，更加食到外脆內軟嘅感覺。
最後就係湯同埋甜品，甜品係海鹽雪糕，另外亦都可以選擇熱咖啡☕️
張貼
