CHIMPZ (已結業)

喺銅鑼灣行街街個陣，突然落大雨，就去咗呢間Chimpz日式西餐廳到食晚餐加避避雨先~裝修以日式為主，以猩猩公仔做標緻，配田園風嘅裝飾，令人好舒服。店員見我地多嘢拎仲比收納籃我哋放嘢，服務體貼~先叫2 個小食， 日本海膽流心忌廉餅，見上網推介所以都跟風，一切開忌廉餅，流心海膽湧出嚟，口感外脆內軟，海膽味香濃，的確唔錯！另一款就係我好鐘意食嘅水牛城雞翼，鐘意佢夠香脆而酸酸辣辣咁，好開胃！主菜我地叫咗意大利黑松露牛肝菌意粉，黑松露味好香濃， 仲帶有蒜香味估唔到黑松露同蒜味咁夾 ，creamy得嚟唔油膩，意粉軟硬適中，掛汁力強！另一個就係打卡必食嘅 日本甲羅燒蟹膏味噌回意大利飯， 平時好白好驚甲羅燒蟹膏腥味好重，呢個完全唔會，仲好鮮，意大利飯軟硬剛好， 配洋蔥、蘿蔔、黃紅椒等，口感同味道都好豐富！甜品就叫咗法式焦糖燉蛋，整體唔太甜！上層香脆嘅焦糖配下面軟身嘅燉蛋，口感豐富而香滑而日本麻薯窩夫餅焦糖醬配雪糕， 窩夫餅外層較硬，同平時食嘅日式窩夫餅雪糕一樣，不過不失，較飽肚！餐廳雖細間，但食物質素高，睇得出食物製作好用心，而且服務態度體貼良好，好值得叫埋朋友再去聚聚！