泰簡單

營業中

休息中

中秋個時諗住去咗維園睇花燈，所以係銅鑼灣食咗晚飯先再過去，因為6點左右就入去，所以無book位，直接入去都有位，入到去餐廳個姐姐仲問我地想坐室內定戶外，天氣咁熱當然揀室內涼冷氣。呢度啲侍應大多都係東南亞人，不過都識講廣東話，環境暗暗地幾有氣氛。一坐低就放低咗個蝦片，好明顯呢個蝦片需要收錢，不過放到係枱面又真係幾想食，成功吸引到我比錢。叫咗2杯特飲都唔錯，個名都幾搞笑，左邊個杯叫心有靈犀，有啲似雜果賓治梳打；而右邊個杯叫相思飄香，即係紅豆冰。2杯都幾大杯，個裝飾仲好有夏日熱情feel。泰式燒雞 半隻，$118，雞肉幾滑，塊雞皮都幾薄同幾脆。蟹肉炒飯，$128，味道淡淡地，唔會話好咸，幾岩跟啲餸一齊食，個炒飯都炒得幾乾身。