麻辣風雲 (京都廣場) (已結業)

今日收工繼續同媽媽去食酸菜魚😆佢真係好鍾意食呢類嘅菜式😌今次揀咗麻辣風雲，佢食完表示滿意🥰酸菜魚因為要遷就我，唔可以揀太辣😬嗌咗小麻、小辣、中酸😜我完全食到！酸菜魚𥚃面嘅鱸魚片爽滑，啖啖肉又無骨！鍋𥚃面除咗有酸菜，仲有芫荽、萵筍、豆卜、豆芽、菇菌等等...當然唔少得有滑嘟嘟嘅薯粉🤤炸饅頭好耐無食過咁好食嘅炸饅頭啦😍表面炸得酥脆又唔會油淋淋💖𥚃面饅頭超軟熟！可以瘋狂點煉奶，好食到真係想食多幾個啊！而且佢出場非常有氣勢，打卡一流✨外婆紅燒肉每嚿五花肉好似有揀過咁😆肥膏同瘦肉係三七比例，勁靚仔！豬皮位口感Q爽😋肥膏炆到變咗骨膠原瘦肉位炆好軟腍，一啲都唔乾柴又唔黐牙❤️整體調味鹹甜適中，差啲唔記得講入邊嘅鵪鶉蛋都好出色🤩鵪鶉蛋生熟程度啱啱好，唔會煮到過老過硬，口感好軟綿😇