影片
更多
2021-06-21
42 瀏覽
呢間有好多靚靚既花花🌸同埋花牆，長期都係人氣高企，啲fd都忍唔住拉我黎食，所以食過兩次，所以我combine埋一齊講啦～食材配搭同造型上有落過心思，不過希望味道同口感有可以再好啲，希望小店可以更上一層樓！環境稍為迫啲，枱同枱之間空間比較少，反而花牆對開有比較多位比人影相打卡～ 服務態度唔錯，上菜速度唔會好慢～ 跟住我就開始入正題講野食啦～(5😍 係滿分，🤩係半分）Cookie Cup 🍪🥛 - $69 (好味指數：😍😍😍🤩）好多人黎到都叫，所以我都忍唔住叫下🤩 idea似平時oreo既”扭一扭，舔一舔，浸一浸”，cookie🍪幾香，有牛油🧈香味同埋幾脆～ 裡面有一層朱古力🍫coating，避免倒奶🥛落去食既時候 cookie🍪會腍左，呢個幾細心！不過倒左奶之後好似淡左無左咁好食，同埋個杯既耳仔攞唔起... 可以考慮下將個cup分開幾層，跟住再落coating就方便用餐具分開食，宜家倒左奶之後，食到個杯剩翻比較少既時候，會幾手忙腳亂... 另外出面買各大餡料既足料soft cookie都係$4x 左右，宜家呢個價錢雖然有得特登做到杯咁都係偏貴，可以試下cookie🍪同🥛既口味上特別啲，跟
(5😍 係滿分，🤩係半分）
Cookie Cup 🍪🥛 - $69 (好味指數：😍😍😍🤩）
好多人黎到都叫，所以我都忍唔住叫下🤩 idea似平時oreo既”扭一扭，舔一舔，浸一浸”，cookie🍪幾香，有牛油🧈香味同埋幾脆～ 裡面有一層朱古力🍫coating，避免倒奶🥛落去食既時候 cookie🍪會腍左，呢個幾細心！不過倒左奶之後好似淡左無左咁好食，同埋個杯既耳仔攞唔起... 可以考慮下將個cup分開幾層，跟住再落coating就方便用餐具分開食，宜家倒左奶之後，食到個杯剩翻比較少既時候，會幾手忙腳亂... 另外出面買各大餡料既足料soft cookie都係$4x 左右，宜家呢個價錢雖然有得特登做到杯咁都係偏貴，可以試下cookie🍪同🥛既口味上特別啲，跟住比人揀～
二重奏忌廉煙肉芝士貓耳朵 🧀🥓🐱 - $118 (好味指數：😍😍😍🤩）
芝士味🧀算幾重，用左車打同巴馬臣芝士，亦都拉到絲，所以個汁幾creamy, 不過要注意既係唔係每一粒貓耳朵都有芝士汁，即使撈勻都係咁，可能要注意個汁既濃稠度～ 貓耳朵既邊位爽爽地，有啲似爽口既貝殼粉🐚，不過中間既位有啲似食緊粉團咁，未去到貓耳朵既精髓，中間煙煙韌韌既感覺～ 有埋啲煙肉同蘑菇🍄，口感都幾豐富～ 不過煙肉🥓可以炒香啲，迫多啲油香出黎，配埋double芝士就可以有加強版carbonara既感覺
Wasabi x 忌廉蟹柳蟹籽意粉 🟢🦀🟠🍝 - $124 (好味指數：😍😍😍🤩）
個白汁幾杰身同creamy，唔會話杰到一舊舊，或者食到最後會變水左 (呢個係唔少cafe既通病)，所以幾掛汁，意粉🍝既質地都帶有韌度～ 蟹柳唔少，味道正常，不過配蟹肉🦀️會更加perfect，同埋蟹籽🟠唔夠卜卜脆，所以令到口感比較單一～ 另外原本呢個配搭幾得意，不過wasabi無咩味，反而令到個意粉變左好似有啲雪櫃味咁，可能係用既wasabi唔靚同埋量太少，所以顯示唔到個特別之處，反而淨白汁，或者用明太子🟠、甚至mustard可能效果更好
紫醉金迷 💜🍾🦐🦪🍝 - $178 (好味指數：😍😍😍🤩）
呢個招牌菜既名幾特別，係有心思既菜式！個飯除左有必備既忌廉之外，加左紫椰菜同埋金箔令到成個顏色都好靚、好夢幻😍有好天然既清甜～ 藍青口🦪用清酒🍶煮過，味道不過不失，唔係好夠鮮味～ 至於香草蒜茸🧄烤大蝦幾惹味，啲蝦🦐算有鮮味，不過肉質有啲梅，食既時候肉唔係好易離殼，有啲唔夠新鮮... 飯稍為腍左啲，平時risotto會比較有咬口
玫瑰花釀紅茶 🌹☕️ - $45 (好味指數：😍😍😍😍）
呢類飲品通常會用糖漿，但入口味道都自然，花香🌸味濃，不過係啲糖漿比較難攪得勻，飲既時候要自己伸長伸短枝飲管，令到每一啖糖漿同茶既比例啱啱好，紅茶味道偏清，可以再濃啲
紫薯牛奶 🍠🥛- $45 (好味指數：😍😍😍😍🤩）
紫薯🍠味幾香濃，入口亦都幼滑，奶味唔會好淡，個底有少少紫薯蓉🍠 如果面頭有啲紫薯粒🍠同紫薯粉，就更加靚，同埋口感會多個層次
P.S. 建議下慶生方面，蛋糕🍰份量細加偏貴，呢個價錢市面上有好多大牌子兼用料講究、有層次既可以選擇，要再諗諗有冇啲口味特別或者玩味濃既作為招來～ 生日漢堡呢個idea原本幾特別，有啲似改版既all-day breakfast，但個人偏好慶生要甜既，可以考慮會唔會出個甜既version～
好味指數：😍😍😍🤩
推介指數：😍😍😍
Cookie Cup
9 瀏覽
0 讚好
0 留言
二重奏忌廉煙肉芝士貓耳朵
7 瀏覽
0 讚好
0 留言
Wasabi x 忌廉蟹柳蟹籽意粉
5 瀏覽
0 讚好
0 留言
張貼
