張公館

營業中

休息中

電視成日見到張公館廣告，膽粗粗book個位上去試吓下午茶，晏晝3點上到去，好彩有book位，全場滿座，見到有個$398二人下午茶餐包十幾款嘢，就試一試佢，頭盤嚟咗佢生果沙律，生果好新鮮，食得出係靚生果，跟住食個蕎麥冷麵，個鰹魚汁加蟹子好正，之後上點心拼盤，有蝦多士，春卷，流心滷水蛋，咖喱酥，鮑魚酥再加榴槤糯米糍同埋蓮蓉酥餅，蝦多士同埋咖喱酥好好食😋好有驚喜，之後再有蒸點心，有小龍包，蝦餃，同燒賣，小龍包好正，肉味豐富，建議唔好點醋，會食唔出鮮肉味，最後上埋鮮榨橙汁，非常超值豐富🙂再加埋全維港海景👍👍好滿意。