影片
更多
2023-10-04
26 瀏覽
平時啲主題餐廳嘅食物質素都一般般，但呢間喺銅鑼灣成日同日本卡通人物聯乘嘅拉麵小店，唔止限定 menu 誠意十足，拉麵仲好出色，更連續五年獲得東京拉麵秀嘅冠軍🏆富山麵家唔係好大，每次去食都覺得好人情味，🎉原來已經開咗20年！今次推出 Rilakkuma 鬆弛熊主題，由門口、牆身、枱面到坐墊都變成到好 pink pink，被鬆弛熊、白熊同雞雞包圍，真係心心眼！🥰而限定 menu 就有一款沾麵、🍜兩款拉麵、🐙特製小食拼盤同🥤兩款梳打，全部都有鬆弛熊，十級可愛！打卡嘅同時，可以用 $68 有走環保袋鬆弛熊！🤫靜靜雞話你知，同店員講暗號［棉花糖］🍬會有驚喜㗎！🍗炸雞拼章魚燒呢個小食拼盤有大大塊鬆弛熊糖霜曲奇喺中間，又睇得又食得！無骨炸雞啖啖肉，仲可以沾士多啤梨煉奶醬，甜甜酸酸好特別！而章魚燒一啖一粒都幾好食！🍜特制黑醬油拉麵 $98黑醬油湯底清得嚟都幾有味，亦唔會太鹹，沖繩豬軟骨炆得好腍，勁得意嘅白熊魚片亦唔係得個樣，真係有魚味㗎！🥛特製牛奶拉麵 $98牛奶湯底好濃好重奶味，香滑又唔會太杰身，豬軟骨同日式叉燒都軟淋入味，而拉麵軟硬適中，有嚼勁，好值得 encore！🥭特製百香果梳打兩款梳打都加入
今次推出 Rilakkuma 鬆弛熊主題，由門口、牆身、枱面到坐墊都變成到好 pink pink，被鬆弛熊、白熊同雞雞包圍，真係心心眼！🥰而限定 menu 就有一款沾麵、🍜兩款拉麵、🐙特製小食拼盤同🥤兩款梳打，全部都有鬆弛熊，十級可愛！
打卡嘅同時，可以用 $68 有走環保袋鬆弛熊！
🤫靜靜雞話你知，同店員講暗號［棉花糖］🍬會有驚喜㗎！
🍗炸雞拼章魚燒呢個小食拼盤有大大塊鬆弛熊糖霜曲奇喺中間，又睇得又食得！無骨炸雞啖啖肉，仲可以沾士多啤梨煉奶醬，甜甜酸酸好特別！而章魚燒一啖一粒都幾好食！
🍜特制黑醬油拉麵 $98黑醬油湯底清得嚟都幾有味，亦唔會太鹹，沖繩豬軟骨炆得好腍，勁得意嘅白熊魚片亦唔係得個樣，真係有魚味㗎！
🥛特製牛奶拉麵 $98牛奶湯底好濃好重奶味，香滑又唔會太杰身，豬軟骨同日式叉燒都軟淋入味，而拉麵軟硬適中，有嚼勁，好值得 encore！
🥭特製百香果梳打兩款梳打都加入大量果醬同水果粒，百香果帶微酸，有濃濃水果香！
🍓士多啤梨梳打
士多啤梨梳打比較甜，清新又解渴！
張貼
