權八居酒屋 (已搬遷) 新店位置

對“權八”有期待，因名氣響，分數高。叫咗兩份串燒定食，另外加手打冷蕎麥麵與同行友人分享。串燒一次過擺到幾似把扇好靚咁上枱，但同時意味師傅燒好第一樣等另一樣款，於是第一串食嘅係只微暖，一路食落去一絲熱氣都冇。由於唔熱，就算材料靚都唔好味。最好係第一串食嘅安格斯牛肉，軟腍有牛脂香，豚肉露筍都幾多汁筍冇渣，大蔥、青椒對一向喜愛青草氣息嘅我印象還好，雞肉、雞肉棒調味差唔多冇特別。手打冷蕎麥麵食落幾滑少彈，拌汁也鹹淡得宜。甜品紅豆糕幾香滑。咖啡冇香氣唔好飲。服務麻麻地，叫咗啲嘢好耐先應，應咗又唔做要再叫。返到去與同行友人同時雙雙肚瀉，唔知係蕎麥麵嘅冰定甜品紅豆糕嘅奶出事。又中伏了…😭