炊豕店 (加路連山道) (已結業)

台式食物，一般都係諗食肉燥飯呀，大雞扒個類，好少聽人講話食炸豬排。今次就黎試下呢間港台風味嘅炊豚店，試一試佢個炸豬排味道如何啦。七點去到已經排緊隊，店面裝修唔錯，不過坐得有d窄，唔係咁舒服。但咁反而有d台灣小店感覺。今次叫左蔥油豬排飯，蔥油堆滿成個碗，好邪惡！豬排炸得好脆，唔厚粉，入口鬆軟！加左佢枱面嘅辣椒醬，味道幾夾，雖然好似好紅，但唔會太辣，好香！另外叫左個小食，炸由魚酥，別有一番風味。同炸豬排嘅口感完全唔同，好有咬口！食炸野都係配返可樂正d，一啖豬排一啖可樂，直頭係享受！想無咁肥，都有果汁可以揀，有蘋果汁同橙汁。總括黎講，味道相當唔差，野食黎得好快，店員態度都好好，有推介我地揀d乜黎食！會再黎！