影片
更多
2023-08-22
1017 瀏覽
成日聽同事講無老鍋好食，今日終於有機會去試一試。餐廳位於食店林立嘅登龍街，上樓一出𨋢就覺得間餐廳好有格調，接待處以中藥櫃為設計, 貫徹餐廳養生嘅主題，好有巧思。一入座店員就送上一壼檸檬蜂蜜熱茶，淡淡嘅檸檬香味，非常清新。我哋揀咗個鴛鴦鍋，一邊係麵包豆腐鍋，一邊係無老辣香鍋。個豆腐鍋肉眼睇有薑、紅棗、蒜頭等配料，湯底呈濃濃嘅乳白色，有淡淡嘅藥材香味，相信用咗唔少食材去熬制。未落配菜前我哋先飲咗碗湯，味道非常濃郁，係商場吹咗陣冷氣凍凍地，一碗湯落肚真係成個身暖晒，冬天飲一定會更正。個辣香鍋唔會好辣亦唔油膩，陣陣麻香中藥材味，兩種湯底兩種享受，無得頂配菜方面我哋叫咗牛小排拼去骨雞髀肉同一碟鮮甜蔬菜盤。牛小排肥瘦均勻，不柴不膩，牛味十足，雞髀肉新鮮嫩滑無雪味。至於蔬菜盤就有生菜、粟米、木耳等，款款都鮮甜爽口，實為健康之選。原本以為三個人叫兩個配菜會唔夠食，但係由於鴨血豆腐係可以無限添加，店員亦都招呼周到加得好密，所以都食到好飽不過唔好以為無限添加就係一般貨色，其實兩樣食材都好高質，豆腐嫩滑，索晒啲湯既精華，超正！鴨血完全唔腥，滑溜彈牙，忍唔住食咗好多塊另外無飯不歡嘅朋友亦都唔需要擔心，呢度有免
餐廳位於食店林立嘅登龍街，上樓一出𨋢就覺得間
餐廳好有格調，接待處以中藥櫃為設計, 貫徹餐廳養生嘅主題，好有巧思。
一入座店員就送上一壼檸檬蜂蜜熱茶，淡淡嘅檸檬香味，非常清新。
我哋揀咗個鴛鴦鍋，一邊係麵包豆腐鍋，一邊係無老辣香鍋。個豆腐鍋肉眼睇有薑、紅棗、蒜頭等配料，湯底呈濃濃嘅乳白色，有淡淡嘅藥材香味，相信用咗唔少食材去熬制。未落配菜前我哋先飲咗碗湯，味道非常濃郁，係商場吹咗陣冷氣凍凍地，一碗湯落肚真係成個身暖晒，冬天飲一定會更正。個辣香鍋唔會好辣亦唔油膩，陣陣麻香中藥材味，兩種湯底兩種享受，無得頂
配菜方面我哋叫咗牛小排拼去骨雞髀肉同一碟鮮甜蔬菜盤。牛小排肥瘦均勻，不柴不膩，牛味十足，雞髀肉新鮮嫩滑無雪味。至於蔬菜盤就有生菜、粟米、木耳等，款款都鮮甜爽口，實為健康之選。
原本以為三個人叫兩個配菜會唔夠食，但係由於鴨血豆腐係可以無限添加，店員亦都招呼周到加得好密，所以都食到好飽不過唔好以為無限添加就係一般貨色，其實兩樣食材都好高質，豆腐嫩滑，索晒啲湯既精華，超正！鴨血完全唔腥，滑溜彈牙，忍唔住食咗好多塊另外無飯不歡嘅朋友亦都唔需要擔心，呢度有免費白飯供應
烚到尾聲店員仲送上一客炸芋圓同水蜜桃沙冰，意想不到嘅鍋後甜品為呢一餐畫上完美句號。
食完呢一餐好滿足，呢間台式火鍋真心高質，同事果然無介紹錯，難怪可以由台灣紅到黎香港。另外特別值得一贊既係店員殷勤有禮既服務態度，為我哋整個用餐體驗加分不少
張貼
